កម្លាំងចម្រុះខណ្ឌដង្កោចុះត្រួតពិនិត្យអាវុធជាតិផ្ទុះ និងឃាត់ខ្លួនជនសង្ស័យម្នាក់ ព្រមទាំងសារធាតុញៀនជិតកន្លះគីឡូក្រាម

ភ្នំពេញ៖ នៅយប់ថ្ងៃទី០៦ ខែកុម្ភៈ ឆ្នាំ២០១៧ វេលាម៉ោង១៩ និង ៤០ នាទី កម្លាំងចំរុះរបស់គណៈបញ្ជាការឯកភាពខណ្ឌដង្កោ ដឹកនាំដោយលោក ចេង មុនីរ៉ា អភិបាលរងខណ្ឌដង្កោ លោក នាក់ ណារ៉ូ អធិការរងនគរបាលខណ្ឌដង្កោ បានចុះត្រួតពិនិត្យអាវុធជាតិផ្ទុះនៅត្រង់ចំណុចមុខវត្តសំបួរ មាសផ្លូវ២១៧ ស្ថិតនៅភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ ហើយបានឃាត់ខ្លួនយុវជនម្នាក់ ឈ្មោះ អ៊ែលតាហ្វា ភេទប្រុស អាយុ២៥ឆ្នាំ មុខរបរមិនពិតប្រាកដ ស្នាក់នៅបន្ទប់ជួលលេខ៣៦ ភូមិទួលសង្កែ សង្កាតទួលសង្កែ ខណ្ឌឫស្សីកែវ រាជធានីភ្នំពេញ រួមនិងវត្ថុតាង យកមកធ្វើការសាកសួរនៅអធិការដ្ឋាននគរបាលខណ្ឌដង្កោ ។

វត្ថុតាងចាប់យកៈទី០១ ក្រាមពណ៌សថ្លាចំនួន០៥កញ្ចប់(ទី០១ក្រាមសថ្លា០១កញ្ចប់ធំ ;ទី០២ក្រាមសថ្លា០៣ធំល្មម;ទី០៣ ក្រាមសថ្លា០២តូចង) ; ទី០៤ថងសំរាប់ច្រកថ្នាំញៀននិងក្រដាសអាលុយមីញូមមួយចំនួន ; ទី០៦ កាបូសលាយក្រហមចំនួន០១ និងទី០៨ ម៉ូតូ០១គ្រឿងម៉ាកហុងដាធូដេ ពណ៍ក្រហម គ្មានស្លាក់លេខ មានលេខតួលេខម៉ាស៊ីន 1143426។

បច្ចុប្បន្នជនសង្ស័យកំពុងឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌដង្កោ ដើម្បីកសាងសំណុំរឿង បញ្ជូនទៅសាលាដំបូងរាជធានីភ្នំពេញ ចាត់ការតាមផ្លូវច្បាប់ ៕ ភារ៉ា ដង្កោ