សារព័ត៌មាន នគរវត្ត តែងតែនាំមុខគេជានិច្ច
ខេត្តត្បូងឃ្មុំ៖ ជនសង្ស័យម្នាក់ ត្រូវបានកម្លាំងនគរបាលស្រុកត្បូងឃ្មុំចុះល្បាតឃាត់ឆែករកឃើញសង្ស័យជាថ្នាំញៀនបន្តបន្ទាប់។
ការឆែករកឃើញ និងឃាត់ខ្លួនជនសង្ស័យខាងលើធ្វើឡើងនៅម៉ោង២រសៀលថ្ងៃទី៨ ខែកុម្ភៈ ឆ្នាំ២០១៧ ចំនុចកាដ្ឋានសាងសង់សាលារខេត្តថ្មី ភូមិនិគមលើ ឃុំ ស្រឡប់ស្រុក_ខេត្តត្បូងឃ្មុំ ។
អធិការងស្រុកត្បូងឃ្មុំ លោក ឡុង សារិន បានឲ្យដឹងថា កម្លាំងជំនាញគ្រឿងញៀនស្រុកត្បូងឃ្មុំបានល្បាតត្រួតពិនិត្យឆែកឆេរលើជនសង្ស័យឈ្មោះ ផល បូក ភេទ ប្រុស អាយុ ២៤ ឆ្នាំ នៅ ភូមិ ពន្លាក ឃុំ ចុងជាច ស្រុកតំបែរ ខេត្តត្បូងឃ្មុំ។
លោកបន្តថាករណីនេះ សមត្ថកិច្ចរកឃើញ ម្សៅក្រាមពណ៌ស សង្ស័យថ្នាំញៀន ចំនួន១កញ្ចប់តូច និងដកហូតទូរស័ព្ទដៃចំនួន ២គ្រឿង ម៉ូតូ១ គ្រឿងម៉ាក ស្កុបពីពណ៌ស(គ្មានស្លាកលេខ)លុះដល់ម៉ោង៤ៈ០០ នាទី ថ្ងៃដដែលសមត្ថកិច្ចយើបានបន្ដឆែកឆេរលំនៅឋានជនសង្ស័យរកឃើញម្សៅក្រាមពណ៌ស សង្ស័យថ្នាំញៀនចំនួន១កញ្ចប់ធំ និងសម្ភារៈជក់មួយចំនួនទៀត។
បច្ចុប្បន្នជនសង្ស័យ រូមនឹងវត្ថុតាងត្រូវបានសមត្ថកិច្ចជំនាញកសាងសំណុំរឿងបញ្ជូនទៅសាលាដំបូងខេត្តចាត់ការតាមនិតិវិធី៕ វណ្ណៈ
