សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀងៈ ទិវានែក្តីស្រឡាញ់ ដែលបងប្អូនក្រុមយុវជនទូទាំងប្រទេសបានយកថ្ងៃនេះជាក្តីស្រឡាញ់ទៅលើគូសង្សារ ឬជាឪពុកម្តាយបងប្អូន គេតែងទិញវត្ថុអនុស្សាវរីយ៍ជូនគ្នាទៅវិញទៅមក ។ ដោយឡែក ថ្ងៃទី១៤ កុម្ភៈ ក្រុមយុវជន សហភាព សហព័ន្ធយុវជនកម្ពុជា (ស.ស.យ.ក.) ក្រុងស្វាយរៀង ក្រុមនិសិត្យពេទ្យ ព្រះសង្ឃជាច្រើនអង្ក និងនាក់បានស្មគ្រចិត្តចូលរួមបរិច្ចាគឈាមជូនដល់មន្ទីរពេទ្យបង្អែកខេត្តស្វាយរៀង កាលពីព្រឹកថ្ងៃទី១៤ ខែកុម្ភៈ ឆ្នាំ២០១៧ នៅសាលប្រជុំមន្ទីរពេទ្យខេត្តស្វាយរៀង។
បើតាមក្រុមយុវជន ស.ស.យ.ក ក្រុងស្វាយរៀងបានអោយដឹងថា ពួកគាត់ដែលជាក្រុមយុវជន ស.ស.យ.ក សប្បាយចិត្ករីរាយក្នុងការផ្តល់ឈាមនេះ ព្រោះជារៀងរាល់ឆ្នាំ ពួកគាត់ទាំងអស់គ្នា តែងតែចូលរួមបរិច្ចាគឈាមជូនដល់មន្ទីរពេទ្យបង្អែកខេត្តស្វាយរៀង ក៏ដូចជាបានចូលរួមជួយដល់សង្គមដើម្បីជួយដល់ប្រជាពលរដ្ឋ និងជនរងគ្រោះដោយឧប្បត្តិហេតុផ្សេង។។
ប្រភពបន្តថា គាត់បានសម្តែងការសប្បាយរីករាយដោយបានក្រុមយុវជន ស.ស.យ.ក និងក្រុមនិសិត្យពេទ្យ ព្រមទាំងព្រះសង្ឃបានចូលរួមបរិច្ចាគឈាមដើម្បីជួយដល់សង្គម និងជនរងគ្រោះថ្នាក់ផ្សេងៗ និងសំណូមពរដល់មន្ត្រីរាជការ កងកំលាំងប្រដាប់អាវុធ ប្រជាពលរដ្ឋ ក្រុមយុវជន ស.ស.យ.ក ព្រះសង្ឃសូមចូលរួមបរិច្ចាគឈាមទាំងអស់គ្នា ដើម្បីជួយស្រោចស្រង់អាយុជីវិតដែលរងគ្រោះនូវហេតុការណ៍ផ្សេងៗ ៕ យឹម សុថាន
