សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរស២នាក់ជិះម៉ូតូលឿនជ្រុលបុករថយន្ត HUMER បើកចេញពីសណ្ឋាគារ បណ្តាលអោយរងរបួសធ្ងន់ធ្ងរ និងម្នាក់ទៀតរងរបួសស្រាល កាលពីវេលាម៉ោង ៩និង៤០នាទីយប់ថ្ងៃទី ២៣ កុម្ភៈ ២០១៧ នៅតាមបណ្តោយផ្លូវសហព័ន្ធរុស្សី មុខសណ្ឋាគារកាលីហ្វ័រញ៉ា អន្តរជាតិ ទល់មុខប្រលានយន្តហោះពោធិចិនតុង ភូមិក្បាលដំរី សង្កាត់កាកាប ខណ្ឌពោធិសែនជ័យ រាជធានីភ្នំពេញ ។
តាមសាក្សីកន្លែងហេតុ កើតហេតុបានឲ្យដឹងថា មុនដំបូងគេឃើញ រថយន្តម៉ាក HUMER ពណ៍ស ពាក់ស្លាកលេខ ភ្នំពេញ 2AH-0566 បើកបរដោយជនជាតិចិនម្នាក់ ចេញពីសណ្ឋាគារខាងលើ ខណបានចេញមកលើផ្លូវសហព័ន្ធរុស្សី ក៏មានម៉ូតូមួយគ្រឿងម៉ាក ស្មាស់រីវ៉ូពណ៍ខ្មៅពាក់ស្លាកលេខភ្នំពេញ 1R-2880 ជិះដោយបុរស២នាក់តាមបណ្តោយផ្លូវសហព័ន្ធរុស្សី ទិសដៅពីកើតទៅលិច ក្នុងល្បឿនលឿន ក៏វ៉ាកអ៊ឺនិងរថយន្ត បណ្តាលអោយបុករថយន្ត HUMER ពេញទំហឹង រងរបួសអ្នកឌុបធ្ងន់ រីឯអ្នកជិះពីក្រោយរងរបួសស្រាល ។
ក្រោយកើតហេតុជនរងគ្រោះត្រូវបានរថយន្តសាមុយក្លីនិក ឯកជនមកដឹកទៅសង្គ្រោះបន្ទាន់ ចំណែករថយន្ត និងម៉ូតូត្រូវបានសមត្ថកិច្ចជំនាញវាស់វែងយកទៅទុកនៅផ្នែកជំនាញចរាចរណ៍ខណ្ឌពោធិសែនជ័យ ដើម្បីរង់ចាំការដោះស្រាយ ៕ សុខាសែនជ័យ
