សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅថ្ងៃទី២៣ ខែកុម្ភៈ ឆ្នាំ២០១៧ វេលាម៉ោង៩ព្រឹក កម្លាំងនគរបាលប៉ុស្តិ៍បឹងទំពុន បានទទួលឃាត់ខ្លួនជនសង្ស័យម្នាក់ ឈ្មោះ វ៉ា យន្ត ហៅ ម៉ាប់ ភេទប្រុស អាយុ៣៤ឆ្នាំ ជនជាតិខ្មែរ មុខរបរ មិនពិតប្រាកដ ទីលំនៅផ្ទះជួល ផ្លូវលំ ភូមិ ភ្នាត សង្កាត់ ស្ទឹងមានជ័យ ខណ្ឌមានជ័យ ពីបទលួច(យកប្រអប់ដាក់លុយនិងកាតទូរស័ព្ទ) របស់ជនរងគ្រោះឈ្មោះ នូច រតនា ភេទ ស្រី អាយុ ៤០ ឆ្នាំ មុខរបរ លក់ដូរ ស្នាក់នៅផ្ទះលេខ ៣៥៣ ផ្លូវ៣៧១ ភូមិ ត្នោតជ្រុំ៥ សង្កាត់ បឹងទំពុន ខណ្ឌមានជ័យ រាជធានីភ្នំពេញ កាលពីថ្ងៃទី២៣ ខែកុម្ភៈ ឆ្នាំ២០១៧ វេលាម៉ោង៨ព្រឹក នៅផ្ទះលេខ ៣៥៣ ផ្លូវ៣៧១ ភូមិ ត្នោតជ្រុំ៥ សង្កាត់ បឹងទំពុន ខណ្ឌមានជ័យ រាជធានីភ្នំពេញ ។
ជាមួយគ្នានោះ សមត្ថកិច្ចបានចាប់យកវត្ថុតាង ៖ ប្រអប់នំចំនួន០១ ខាងក្នុងមានដាក់លុយខ្មែរ ៥០០០០រៀលនិង កាតទូរស័ព្ទមួយចំនួនគិតជាលុយចំនួន១៥០ដុល្លារ និង កាបូបស្ពាយ ពណ៌ខ្មៅចំនួន០១(ចំពោះវត្ថុតាងប្រអប់នំចំនួន០១ខាងក្នុងមានដាក់លុយខ្មែរ៥០០០០រៀល និង កាតទូរស័ព្ទមួយចំនួនគិតជាលុយចំនួន១៥០ដុល្លារ បានប្រគល់ឲ្យជនរងគ្រោះឈ្មោះ នូច រតនា យកទៅរក្សាទុកជាបណ្តោះអាសន្ន) ។
បច្ចុប្បន្នជនសង្ស័យខាងលើឃាត់ខ្លួននៅអធិការដ្ឋាន ដើម្បីកសាងសំណុំរឿង ៕ តាឡឹម
