សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀងៈ ក្នុងរយះពេលមួយថ្ងៃ សមត្ថកិច្ចនគរបាលក្រុងបាវិត បានឃាត់ខ្លួនជនសង្ស័យ៣នាក់ ពាក់ពន្ធ័នឹងករណីចែកចាយប្រើប្រាស់គ្រឿងញៀន២កន្លែងផ្សេងគ្នា។
សមត្ថកិច្ចនគរបាលក្រុងបាវិតបានអោយដឹងថា នៅថ្ងៃទី២៣ ខែកុម្ភ: ឆ្នាំ២០១៧ វេលាម៉ោង១២និង២០នាទី សមត្ថកិច្ចនគរបាលរដ្ឋបាល សង្កាត់ព្រៃអង្គុញ បាននាំខ្លួនមុខសញ្ញាប្រើប្រាស់គ្រឿងញៀនចំនួន២នាក់ មកអធិការដ្ឋាននគរបាលក្រុងបាវិតដើម្បីធ្វើតេស្តិ៍ទឹកមូត។
ជនសង្ស័យទាំង២នាក់មានឈ្មោះ ពៅ សាម៉ុល ភេទប្រុស អាយុ១៩ឆ្នាំ មុខរបរមិនពិតប្រាកដ មានទីលំនៅភូមិកំពតលៀប សង្កាត់ព្រៃអង្គុញ ក្រុងបាវិត និង ឈ្មោះហួយ សារ៉ាយ ភេទប្រុស អាយុ២០ឆ្នាំ មុខរបរលក់ដូរ មានទីលំនៅភូមិកំពតជ្រូក សង្កាត់ព្រៃអង្គុញ ក្រុងបាវិត។
ប្រភពបន្តថាជា លទ្ធផលក្រោយធ្វើតេស្តិ៍វិជ្ជមាន (មានផ្ទុកសាធាតុញៀន)ឆែកឆេរលើដងខ្លួនឃើញមានទូរស័ព្ទដៃ១គ្រឿង ម៉ាកខេមហ្វូ នព៌ណសផងដែរ ។
ប្រភពបន្តថា ហើយនៅវេលាម៉ោង១៩និង២០នាទី ថ្ងៃដដែលនេះដែរ កំលាំងអធិការក្រុងបាវិតសហការជាមួយកំលាំងប៉ុស្តិ៍នគរបាលរដ្ឋបាលច្រកម្ទេស បានចុះបង្ក្រាបករណីចែកចាយគ្រឿងញៀន នៅចំណុច ភូមិ ធ្លក សង្កាត់ច្រកម្ទេសក្រុង បាវិត ខេត្តស្វាយរៀង ជាលទ្ធផល សមត្តកិច្ច យេីងបានឃាត់ខ្លួន ជនសង្ស័យ បានចំនួន១នាក់ មានឈ្មោះ ប៉ាវ ដេវីត ភេទប្រុស អាយុ ២២ ឆ្នាំ បុខរបរ កម្មករ រោងចក្រ មានទីលំនៅភូមិច្រកឬស្សី សង្កាត់ បាទី ក្រុងបាវិត ខេត្តស្វាយរៀងនិងវត្ថុតាងម្សៅក្រាមពណ៌សថ្លា០១កញ្ចប់។
បច្ចុប្បន្នជនសង្ស័យចែកចាយថ្នាំញៀនទាំង៣នាក់ ត្រូវបានសមត្ថកិច្ចនគរបាលឃាត់ខ្លួនបណ្តោះអាសន្ននៅអធិការដ្ឋាននគរបាលក្រុងបាវិត ដើម្បីបំពេញសំណុំរឿងវញ្ជូនទៅការិយាល័យជំនាញខេត្តចាត់ការបន្តតាមច្បាប់ ៕ យឹម សុថាន
