សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នាព្រឹកថ្ងៃទី០៧ ខែមីនា ឆ្នាំ២០១៧ វេលាម៉ោង០៨និង៣០នាទី នៅសាលប្រជុំរដ្ឋបាលខណ្ឌដូនពេញ បានប្រារព្ធពិធីអបអរសាទរខួបលើកទី១០៦ ទិវាអន្តរជាតិនារី ៨ មីនា ២០១៧ ក្រោមប្រធានបទស្ត្រីដើម្បីសុខសន្តិភាព និងវឌ្ឍនភាព ។
ក្នុងពិធីនោះដែរ ក្រោមអធិបតីភាពលោក ហែម អាន ប្រធានក្រុមប្រឹក្សាខណ្ឌដូនពេញ និងលោកស្រី និងលោក សុខ ពេញវុធ អភិបាល នៃគណៈអភិបាលខណ្ឌដូនពេញ និងលោកស្រី ព្រមទាំងមានការចូលរួមអបអរសាទរពីលោកអភិបាលរង លោកនាយក នាយករង លោក លោកស្រីប្រធាន អនុប្រធានការិយាល័យ និងមន្ត្រីជានារីក្រោមឱវាទ នៅរដ្ឋបាលខណ្ឌ អធិការដ្ឋាននគរបាលខណ្ឌ សង្កាត់ ផ្សារ ទាំងអស់សរុបចំនួន១១៣រូប នៅក្នុងពិធីនោះលោកអភិបាលក៏បានធ្វើការសំណេះសំណាល ផ្តាំផ្ញើ អបអរសាទរ និងកោតសរសើរទៅដល់ស្នាដៃ និងសមិទ្ធិផលការងារជាច្រើនដែលស្ត្រីសម្រេចបាន ជាចុងក្រោយលោកអភិបាលក៏បានផ្តល់ថវិកាទៅដល់នារីទាំងអស់ ដោយម្នាក់ៗទទួលបាន៥០,០០០៛ និងសារុងចំនួន០១ ៕ស តារា
