សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យចំនួន២នាក់ ជាមុខសញ្ញាប្លន់ប្រដាប់អាវុធ និងកាច់កលួចម៉ូតូយ៉ាងសកម្មកក្នុងរាជធានីភ្នំពេញ ត្រូវបានកម្លាំងអធិការដ្ឋានគរបាលខណ្ឌសែនសុខបង្ក្រាបបាន ព្រមទាំងចាប់យកកាំភ្លើងខ្លី១ដើម ម៉ាក K59 និងដែកចុងស្រួចសម្រាប់កាច់កម៉ូតូមួយឈុត ។
មុខសញ្ញាប្លន់ប្រដាប់អាវុធ និងកាច់កលួចម៉ូតូយ៉ាងសកម្មកក្នុងរាជធានីភ្នំពេញ
ករណីឃាត់ខ្លួនជនទាំង២នាក់នេះ ធ្វើឡើងកាលពីម៉ោង១១និង៣០នាទីព្រឹក ថ្ងៃទី២២ ខែមីនា ឆ្នាំ២០១៧ នៅផ្លូវ២០១១ ភូមិក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ។
ចាប់យកកាំភ្លើងខ្លី១ដើម ម៉ាក K59 និងដែកចុងស្រួចសម្រាប់កាច់កម៉ូតូមួយឈុត
សមត្ថកិច្ចបានឲ្យដឹងថា ជនសង្ស័យទាំង២នាក់ ដែលឃាត់ខ្លួននេះ ទី១ឈ្មោះ អៀង សុខនី ភេទប្រុស អាយុ៤២ឆ្នាំ មុខរបរមិនពិតប្រាកដ ស្នាក់នៅតាមផ្ទះសំណាក់ ក្នុងរាជធានីភ្នំពេញ មានស្រុកកំណើត ខេត្តកំពង់ឆ្នាំង ។ ជនសង្ស័យទី២ឈ្មោះ នោ សុផល ភេទប្រុស អាយុ៣៧ឆ្នាំ មុខរបរមិនពិតប្រាកដ ស្នាក់នៅចល័ត តាមផ្ទះសំណាក់ក្នុងរាជធានីភ្នំពេញ មានស្រុកកំណើតភូមិ៧ ឃុំ៧ ស្រុកស៊ីធរកណ្តាល ខេត្តកំពង់ចាម។
ទី១ឈ្មោះ អៀង សុខនី អាយុ៤២ឆ្នាំ មុខរបរមិនពិតប្រាកដ ទី២ឈ្មោះ នោ សុផល អាយុ៣៧ឆ្នាំ មុខរបរមិនពិតប្រាកដ
សមត្ថកិច្ចបានប្រាប់ថា មុនឃាត់ខ្លួនជនសង្ស័យខាងលើ ខណៈដែលកម្លាំងរបស់អធិការខណ្ឌកំពុងល្បាតក្នុងមូលដ្ឋាន ស្រាប់តែបានជួបជនសង្ស័យទាំង២នាក់ជិះម៉ូតូមួយគ្រឿងម៉ាកឌ្រឹមសង់សេ១២៥ ពណ៌ខ្មៅ ឌុបគ្នាចេញពីបុរីពិភពថ្មី ផ្លូវ២០១១ ដោយសង្ស័យ ក៏ឃាត់ពិនិត្យ ស្រាប់តែប្រទេះកាំភ្លើងខ្លីមួយដើម ម៉ាក K59 មិនមានឯកសារត្រឹមត្រូវមានគ្រាប់ចំនួន៧គ្រាប់ និងឃើញមានដែកចុងស្រួចសម្រាប់កាច់កម៉ូតូមួយកំប្លេរឃាប់ខ្លួនក៏ឃាត់តែម្តង។
បច្ចុប្បន្នជនសង្ស័យទាំង២នាក់ កំពុងឃាត់ខ្លួនបណ្តោះអាសន្នសាកសួរនៅអធិការដ្ឋានគរបាលខណ្ឌសែនសុខ និងកសាងសំណុំរឿងបញ្ជួនទៅតុលាការចាត់ការបន្តតាមនីតិវិធី៕ តុង សីហា
