សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ចាម៖ បុរសអាយុ៥៣ឆ្នាំម្នាក់សង្ស័យចង់មានចង់បានលឿនឆាប់យ៉ាងនោះ ក៏ចាប់របររកសីុជួញដូរសារធាតុញៀនហើយត្រូវបានកម្លាំងជំនាញមន្ទីរយុត្តិធម៌នៃកងរាជអាវុធហត្ថខេត្តកំពង់ចាម សហការជាមួយអាវុធហត្ថស្រុកបាធាយ បង្រ្កាបចាប់ខ្លួនក្នុងបទល្មើសជាក់ស្តែង ។
ប្រតិបត្តិការនេះ ធ្វើឡើងនៅវេលាម៉ោង១០និង៣០នាទីព្រឹក ថ្ងៃទី២៩ ខែមីនា ឆ្នាំ២០១៧ រនៅចំណុចភូមិជើងព្រៃ ឃុំជើងព្រៃ ស្រុកបាធាយ ខេត្តកំពង់ចាម ។
លោកវរសេនីយ៍ សែម ឃាង ប្រធានមន្ទីរយុត្តធម៌ កងរាជអាវុធហត្ថខេត្តកំពង់ចាមបានឲ្យដឹងថា ជនសង្ស័យខាងលើ ឈ្មោះ វ៉ា ស៊ីថា ភេទប្រុស អាយុ៥៣ឆ្នាំ មានទីលំនៅភូមិផ្អាវ ឃុំផ្អាវ ស្រុកបាធាយ ខេត្តកំពង់ចាម។
វត្ថុតាងដែលដកហូតបានរួមមាន ម្សៅក្រាមពណ៌សចំនួន០៦កញ្ចប់ទំងន់៤.០៤ក្រាម ទូរសព្ទ័ដៃចំនួន២គ្រឿង។ បច្ចុប្បន្ន ជនសង្ស័យរួមនិងវត្ថុតាងកំពុងចាត់ការបញ្ជូនទៅតុលាការតាមនីតិវិធីបញ្ជូន៕ វណ្ណះ
