សារព័ត៌មាន នគរវត្ត តែងតែនាំមុខគេជានិច្ច
ខេត្តតាកែវ៖ បុរសម្នាក់ ដែលមិនបានស្គាល់អត្តសញ្ញាណ ត្រូវបានរថយន្តមួយគ្រឿងបុកពេញទំហឹង បណ្តាលឲ្យស្លាប់គួរឲ្យអាសូរ ។
ហេតុការណ៍នេះ កើតឡើងនៅថ្ងៃទី៣ ខែមេសា ឆ្នាំ២០១៧ ស្ថិតនៅលើផ្លូវលេខ ១២៩E ពីផ្សារកំពុងជ្រៃកោះអណ្តែតខាងលិច ភូមិស៊ីស្លា ឃុំធ្លាប្រជុំ ចំងាយ៥០០ម៉ែត្រ។
ក្រោយពីទទួលបានដំណឹងពីលោក ជា សុផាត អធិការនគរបាលស្រុកកោះអណ្តែត ថា មានករណីគ្រោះថ្នាក់ចរាចរណ៍ កម្លាំងការិយាល័យបច្ចេក ទេសសហការជាមួយកម្លាំងនគរបាលស្រុក និងគ្រូពេទ្យ បានពិនិត្យកន្លែងកើតហេតុនិងសាកសព ។
ក្រោយពេលពិនិត្យកម្លាំងការិយាល័យបច្ចេកទេស បានដឹងថា សាកសពត្រូវបានរថយន្តបុកស្លាប់នោះ ភេទ ប្រុស អាយុប្រហែលជាង ៣០ ឆ្នាំ រាងស្គម ស្តើងកម្ពស់១.៦៧ម៉ែត្រ សក់ស្លូត ស្កូវមូយៗ ច្រមុះស្រួច មុខតូច មានពុកមាត់លើក្រោម មានសាក់រូបខ្លាលើកំភួនដៃស្តាំ និងសាក់រូបដាវលើដើមដៃស្តាំ ពាក់អាវដៃវែងចាស់ ក្រទ្បាការ៉ូ ស ក្រហម ស្លៀកខោជើងវែងពណ៌ប្រផេះ ។
ចំណែកឯរថយន្តបង្កបានបើករត់គេចខ្លួនបាត់ស្រមោល ។
បច្ចុប្បន្នសាកសពបានប្រគល់ជូននគរបាលស្រុករក្សាការពារដើម្បីស្វែងរកក្រុមគ្រួសារ ៕ ភ្នំដា
