គ្រោះថ្នាក់ចរាចរណ៍ ម៉ូតូបុកម៉ូតូរបួសធ្ងន់៣នាក់នៅស្រុកក្រគរ

ខេត្តពោធិ៍សាត់៖ យ៉ាងហោចបុរស ស្រ្តីចំនួន៣នាក់បានរងររបួសយ៉ាងធ្ងន់ នៅក្នុងហេតុការណ៍គ្រោះថ្នាក់ចរាចរណ៍រវាងម៉ូតូបុកម៉ូតូ ខណៈកំពុងធ្វើដំណើរបញ្រ្ចាសទិសគ្នា នៅស្រុកក្រគរ ខេត្តពោធិ៍សាត់។

ហេតុការណ៍ខាងលើបង្កការភ្ញាក់ផ្អើលឡើងកាលពីវេលាម៉ោង៨ និង៣០នាទីព្រឹក ថ្ងៃទី១២ ខែមេសា ឆ្នាំ២០១៧ នៅលើកំណាត់ផ្លូវជាតិលេខ ៥ ត្រង់ចន្លោះបង្គោលគីឡូម៉ែត្រលេខ ១៦១.១៦២ ស្ថិតក្នុងភូមិវាលវង់ ឃុំស្នាអន្សា ស្រុកក្រគរ ខេត្តពោធិ៍សាត់។

ផ្នែកសណ្ដាប់ធ្នាប់ នៃអធិការដ្ឋាននគរបាលស្រុកក្រគរបានឲ្យដឹងថា ជនរងរបួសទី១ ឈ្មោះ អេន អន ភេទប្រុស អាយុ ៣៣ឆ្នាំ សញ្ជាតិខ្មែរ បច្ចុប្បន្ន រស់នៅភូមិវត្តលួង សង្កាត់លលកស ក្រុង-ខេត្តពោធិ៍សាត់(បើកបរម៉ូតូ) និងអ្នករួមដំណើរឈ្មោះ សឿន សុរីន ភេទស្រី អាយុ ២៧ឆ្នាំ សញ្ជាតិខ្មែរ បច្ចុប្បន្ន រស់នៅភូមិ.សង្កាត់ជាមួយគ្នា ហើយអ្នកទាំងពីធ្វើដំណើររួមគ្នាដោយម៉ូតូ ១គឿងម៉ាក ហុងដាឌ្រីម សេ១២៥ សេរីឆ្នាំ២០១៥ ពណ៏ខ្មៅ ពាក់ស្លាកលេខ ភ្នំពេញ 1CV 9149 ក្នុងទិសដៅពីកើតទៅលិច លុះមកដល់ចំណុចកើតហេតុបានបុកជាមួយម៉ូតូ ១គ្រឿងម៉ាក សង់កូរ៉េ C100 ពណ៏ក្រហម គ្មានគ្មានស្លាកលេខ ធ្វើដំណើរក្នុងទិសដៅពីលិចទៅកើតបើកបរមិនប្រកាន់ស្ដាំ បើកបរដោយឈ្មោះ បោយ រួន ភេទស្រី អាយុ ៤២ឆ្នាំ សញ្ជាតិខ្មែរ បច្ចុប្បន្ន រស់នៅភូមិ.ឃុំកើតហេតុខាងលើ បណ្ដាលឲ្យរងរបួសរដូករណេលតែម្តង។

ប្រភពដដែលខាងលើបន្តទៀតថា ជនរងរបួសត្រូវគេជួយបញ្ជូនយកទៅសង្រ្គោះព្យាល នៅមន្ទីរពេទ្យបង្អែកខេត្តពោធិសាត់ ។ ចំណែកវត្តុតាងម៉ូតូទាំងពីគ្រឿងសមត្ថកិច្ចយកទៅរក្សាទុកជាបណ្ដោះអាសន្ន នៅអធិការដ្ឋាននគរបាលស្រុកក្រគរ ដើម្បីរងចាំធ្វើការវាស់វែង និងចាត់ចែងបន្តតាមនីតិវិធី ៕ ប៉ឹម ពិន