ចោរវៀតណាមញី ឈ្មោលដែលតែងតែលូកហោប៉ៅជនបរទេសក្នុងព្រឹត្តិការណ៍អង្គរសង្ក្រាន្ត ក្នុងខេត្តសៀមរាប អស់ល័ក្ខណ៍សមត្ថកិច្ចចាប់ដាក់ខ្នោះ

ខេត្តសៀមរាប៖ ក្រុមចោរ វៀតណាម ប្រុស ស្រី៣នាក់ ដែលល្បីឈ្មោះខាង លូកហោប៉ៅយកទលុយភ្ញៀវជាតិ និង អន្តរជាតិ ក្នុងពិធីព្រឹត្តិការណ៍អង្គរសង្ក្រាន្ត ឆ្នាំថ្មី​ ត្រូវអស់ល័ក្ខណ៍ ត្រូវបានសមត្ថកិច្ចនៃនាយកដ្ឋានព្រហ្មទណ្ឌក្របួចជាប់ បន្ទាប់ពីធ្វើសកម្មភាពលូកហោប៉ៅភ្ញៀវទេសចរណ៍ ដែលនាំគ្នាមកលេងអង្គរសង្ក្រាន្តនៅខេត្តសៀមរាប ។

ហេតុការណ៍ឃាត់ខ្លួនជនជាតិវៀតណាម បានធ្វើឡើងកាលពីថ្ងៃទី១៣ ខែមេសា ឆ្នាំ២០១៧ ស្ថិតនៅក្នុងក្រុងសៀមរាប ខណៈជនសង្ស័យ ប្រុស ស្រី ទាំងបីនាក់នេះ​បាននាំគ្នាធ្វើសកម្មភាពជាក់ស្តែងដោយលូកហោប៉ៅពីជនបរទេស ។

តាមប្រភពពីសមត្ថកិច្ចនគរបាលខេត្តបានប្រាប់នៅ​រសៀលថ្ងៃទី១៨ ខែ​មេសា ឆ្នាំ២០១៧​ថា ជនសង្ស័យ ប្រុស ស្រី ទាំង៣នាក់នេះ គឺជាក្រុមមុខសញ្ញាចាស់ដែលតែងតែធ្វើសកម្ម​ភាពលូកហោប៉ៅ លួចទ្រព្យសម្បតិ្តពីប្រជាពលរដ្ឋ ក៏ដូចជាភ្ញៀវបរទេស ដែលបានចូលរួម ក្នុងពិធីបុណ្យធំៗ តាមបណ្តាប្រទេសនានា ក្នុងអាស៊ាន ដូចជា ឡាវ និងប្រទេសថៃ ជាដើម។

ប្រភពបានបន្តថា ជនសង្ស័យប្រុស ស្រី ទាំង៣នាក់នោះមាន ទី១/ ឈ្មោះ LAM THI HUE ភេទស្រី កើតឆ្នាំ១៩៥៨ ជាជនជាតិវៀតណាម កាន់លិខិតឆ្លងដែនVNM C 2423173, ទី២/ឈ្មោះ LE THANH BINH កើតឆ្នាំ១៩៧៦ ជនជាតិវៀតណាម កាន់លិខិតឆ្លងដែន VNM B 9637527 និង ទី៣/ ឈ្មោះ HOANG MINH PHUONG ភេទប្រុស កើតឆ្នាំ ១៩៦០ ជនជាតិវៀតណាម កាន់លិខិតឆ្លងដែន VNM B 1691776 ។

តាមប្រភពបានបញ្ជាក់ថា ជនសង្ស័យ ទាំង ៣ នាក់ បានសារភាពនៅចំពោះ​សមត្ថកិច្ច​បានឲ្យដឹងថា ពួកគេបានមុខសញ្ញាទាំងបីនាក់ តែងតែធ្វើសកម្មភាពលូកហោប៉ៅ លួចទ្រព្យសម្បតិ្តពីប្រជាពលរដ្ឋចូលរួម ក៏ដូចជាភ្ញៀវបរទេស ដែលបាន ក្នុងពិធីបុណ្យធំៗ តាមបណ្តាប្រទេសនានា ក្នុងអាស៊ាន ដូចជា ឡាវ និងប្រទេសថៃ ជាដើម។

បច្ចុប្បន្នសមត្ថកិច្ចកម្ពុជា បានរៀបចំ កសាង សំណុំរឿងបញ្ជូនទៅតុលាការខេត្តសៀមរាប ដើម្បីផ្តន្ទាទោសតាមច្បាប់ ៕ ប៊ុន រិទ្ធី