សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យចំនួន៥នាក់ រួមនិងថ្នាំក្រាមថ្លាស១កញ្ចប់ធំ ត្រូវបានកម្លាំងផ្នែកព្រហ្មទណ្ឌខណ្ឌសហការជាមួយនឹងកម្លាំងនគរបាលប៉ុស្តិ៍រដ្ឋបាលទឹកថ្លា បានឃាត់ខ្លួន សង្ស័យពាក់ព័ន្ធបទជួញដូរ និងប្រើប្រាស់នូវសារធាតុញៀនដោយខុសច្បាប់។
ការឃាត់ខ្លួនធ្វើឡើងម៉ោង៣និង៣០នាទីរសៀល ថ្ងៃទី១០ ខែឧសភា ឆ្នាំ២០១៧ នៅចំណុចបន្ទប់ជួលផ្ទះសង់ថ្មី ភូមិត្រពាំងឈូក សង្កាត់ទឹកថ្លា ខណ្ឌសែនសុខ។
សមត្ថកិច្ចបានឲ្យដឹងថា ទាំង៥នាក់ ទី១មានឈ្មោះ សួន រ៉ា ភេទប្រុសអាយុ៥៥ឆ្នាំ មុខរបររើសអេតចាយ ស្នាក់នៅកន្លែងកើហេតុ(ជួញដូរ) ទី២ ឈ្មោះ ដិិត ធឿន ភេទប្រុស អាយុ១៩ឆ្នាំ មុខរបររើសអេតចាយ ស្នាក់នៅបន្ទប់ជួលខាងលើ ទី៣ឈ្មោះ គឹម ថារី ភេទប្រុស អាយុ៣៦ឆ្នាំ មុខរបររើសអេតចាយ ស្នាក់នៅបន្ទប់ជួលខាងលើ (ផ្តល់ទីតាំង) ទី៤ឈ្មោះ មាស វុធ ភេទប្រុស អាយុ៣៨ឆ្នាំ មុខរបររើសអេតចាយ និងទី៥ឈ្មោះ យ៉ាន់ វណ្ណះ ភេទប្រុស អាយុ៣៣ឆ្នាំ មុខរបររើសអេតចាយ អ្នកទាំងពីរស្នាក់នៅបន្ទប់ជួលជាមួយគ្នានៅកន្លែងកើតហេតុ។
បច្ចុប្បន្ន ជនសង្ស័យត្រូវបាននាំខ្លួនសាកសួរនៅអធិការដ្ឋាននគរបាលខណ្ឌសែនសុខដើម្បីកសាងសំណុំរឿងបញ្ជួនទៅសាលាដំបូងរាជធានីភ្នំពេញចាត់ការបន្តតាមនីតិវិធី៕ តុង សីហា
