សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នារីជាមុខសញ្ញាជូដូរគ្រឿងញៀនយ៉ាងសកម្ម ត្រូវបានសមត្ថកិច្ចឃាត់ខ្លួនកាលពីវេលាម៉ោង២និង៣០នាទីរសៀល ថ្ងៃទី១១ ខែឧសភា ឆ្នាំ២០១៧ នៅបន្ទប់ជួលភូមិគោកបញ្ជាន់ សង្កាត់ចោមចៅ ខណ្ឌពោធិ៍សែនជ័យ ។
ជនសង្ស័យឈ្មោះស្រី ដុំ ភេទស្រី អាយុ១៧ឆ្នាំ មុខរបរមិនពិតប្រាដក ស្នាក់នៅបន្ទប់ជួល ភូមិគោកបញ្ជាន់ សង្កាត់ចោមចៅ ខណ្ឌពោធិ៍សែនជ័យ ។
សមត្ថកិច្ចបានឲ្យដឹងថា ដោយសារតែមានការរាយការណ៍សម្ងាត់ពីបងប្អូនប្រជាពលរដ្ឋ ដែលនៅក្បែរៗនោះថា នៅម្តុំកើតហេតុខាងលើ តែងតែឃើញជនសង្ស័យមកឈរលក់ថ្នាំញៀនស្ទើររាល់ថ្ងៃ ទើបកម្លាំងស៊ើបអង្កេតរហូតឈានទៅដល់ចុះឆែកឆេរនៅបន្ទប់ជនសង្ស័យរកឃើញសម្ភារប្រើប្រាស់មួយចំនួនទើបសមត្ថកិច្ចឃាត់ខ្លួនតែម្តង ។
ក្រោយពីការឃាត់ខ្លួន ជនសង្ស័យត្រវបាននាំខ្លួនយកទៅប៉ុស្តិ៍នគរបាលរដ្ឋបាលចោមចៅ សាកសួបន្ត ៕ សុខាសែនជ័យ
