សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវជនម្នាក់វ័យ២៣ឆ្នាំ ត្រូវបានកម្លាំងនគរបាលប៉ុសិ៍្តរដ្ឋបាលចាក់អង្រែលើ ចាប់ឃាត់ខ្លួន កាលពីវេលាម៉ោង១៩និង៥០នាទី ថ្ងៃទី១១ ខែ ឧសភា ឆ្នាំ២០១៧ នៅចំណុចសំណង់មិនរៀបរយ ផ្លូវ៦០ម៉ែត្រ ភូមិព្រែកតាគង់ សង្កាត់ចាក់អង្រែលើ ខណ្ឌ មានជ័យ ពាក់ព័ន្ធករណីជួញដូរគ្រឿងញៀន។
សមត្ថកិច្ចបានប្រាប់ថា ជនសង្ស័យឈ្មោះ សែម បញ្ញា ភេទប្រុស អាយុ២៣ឆ្នាំ ស្នាក់នៅ ផ្ទះជួលគ្មានលេខ ក្រុម៨ ភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ។ ក្នុងនោះសមត្ថកិច្ចបានដកវត្ថុតាងក្រាមសថ្លា ចំនួន៤កញ្ចប់តូច និងសំភារះប្រើប្រាស់ចំនួន ផងដែរ។
សមត្ថកិចបាននិយាយថា ក្រោយពីសាកសួរ ជនសង្ស័យបានបញ្ជូនទៅកាន់អធិការដ្ឋាននគរបាលខណ្ឌមានជ័យ ដើម្បីចាត់ការបន្តទៅ តាមនីតិវិធីច្បាប់ ៕ តាឡឹម
