សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្តាល៖ បុរសម្នាក់បានបាត់បង់ជីវិតយ៉ាងអាណោចអាធ័ម ខណៈទៅចាំក្របីនៅវាលស្រែ ហើយមេឃធ្លាក់ភ្លៀងលាយឡំដោយផ្គររន្ទះ បាញ់មកលើជនរងគ្រោះស្លាប់តែម្តង ។
ករណីនេះបានកើតឡើងកាលពីវេលាម៉ោង១៧និង៣០នាទី ថ្ងៃទី២១ ខែឧសភា ឆ្នាំ២០១៧ ស្ថិតនៅចំណុចទួលរង្វើល ភូមិជ័យតូច ឃុំជ័យធំ ស្រុកខ្សាច់ កណ្តាល ខេត្តកណ្តាល ។
មុនពេលគ្រោះថ្នាក់កើតឡើង ជនរងគ្រោះបានទៅចាំក្របីនៅចំណុចកើតហេតុ រហូតដល់វេលាម៉ោងកើតហេតុខាងលើមានភ្លៀងធ្លាក់ត្រូវរន្ទះបាញ់ជនរងគ្រោះស្លាប់។ ចំពោះសត្វក្របីបានបោលមកផ្ទះ ប្រពន្ធមិនឃើញប្តី បានពឹងអ្នកភូមិ និងបងប្អូនទៅរកជនរងគ្រោះ ហើយឃើញដេកស្លាប់នៅកន្លែងកើតហេតុ ដោយត្រូវរន្ទះបាញ់ បន្ទាប់មកបងប្អូនដឹកយកមកផ្ទះដើម្បីធ្វើបុណ្យតាមប្រពៃណី ។
សមត្ថកិច្ចឲ្យដឹងថា ជនរងឈ្មោះ ម៉ៅ យាន ភេទប្រុស អាយុ ៥៣ ឆ្នាំ ជនជាតិ ខ្មែរ សាសនា ព្រះពុទ្ធ មុខរបរ កសិករ នៅភូមិជ័យតូច ឃុំជ័យធំ ស្រុកខ្សាច់ កណ្តាល ខេត្តកណ្តាល បាត់បង់ជីវិតនៅកន្លែងកើតហេតុ ៕
