សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ត្រូវបានកម្លាំងនគរបាលប៉ុស្តិ៍ចោមចៅ ឃាត់ខ្លួនពាក់ព័ន្ធនឹងការប្រើប្រាស់ថ្នាំញៀនកាលពីវេលាម៉ោង១០និង៣០នាទីព្រឹក ថ្ងៃទី២៥ ខែឧសភា ឆ្នាំ២០១៧ នៅបន្ទប់ជួល ភូមិព្រៃល្វា សង្កាត់ចោមចៅ ខណ្ឌពោធិ៍សែនជ័យ ដកហូតថ្នាំញៀនមួយចំនួន ។
ជនសង្ស័យឈ្មោះរ័ត្ន សំបូរ ភេទប្រុស អាយុ៣៧ឆ្នាំ មុខរបរើសអេតចាយ ស្នាក់នៅបន្ទប់ជួល ភូមិព្រៃល្វា សង្កាត់ចោមចៅ ខណ្ឌពោធិ៍សែនជ័យ។ មានស្រុកកំណើតនៅភូមិ ព្រៃល្វា ឃុំចោមចៅ ស្រុកដង្កោ ខេត្តកណ្តាល។
សមត្ថកិច្ចបានឲ្យដឹងថា មុនពេលឃាត់ខ្លួនជនសង្ស័យខាងលើ ដោយមានការសហការជាមួយប្រជាពលរដ្ឋ ដែលនៅក្បែរបានរាយការណ៍មកកាន់កម្លាំងនគរបាលប៉ុស្តិ៍ទើបសមត្ថកិច្ចចុះស្រាវជ្រាវ និងតាមដានរហូតចុះទៅឆែកឆេរនៅក្នុង បន្ទប់ជួលរកឃើញថ្នាំញៀនម្សៅក្រាមថ្លា១កញ្ចប់តូច និងមួយកញ្ចប់តូចទៀតប្រើប្រាស់ជិតអស់ ។ ក្រោយមកទើបកម្លាំងឃាត់ខ្លួនតែម្តងយកទៅសាកសួរនៅប៉ុស្តិ៍រដ្ឋបាលនគរបាលចោមចៅ ដើម្បីកសាងសំណុំរឿងបញ្ជូនទៅអធិការនគរបាលខណ្ឌពោធិ៍សែនជ័យចាត់ការបន្ត ៕ សុខាសែនជ័យ
