សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យ៤នាក់ត្រូវបានកម្លាំងនគរបាលប៉ុស្តិ៍ចោមចៅ ឃាត់ខ្លួន ខណៈពួកគេកំពុងពពាក់ពពូនគ្នាជក់គ្រឿងញៀន កាលពីវេលាម៉ោង២រសៀល ថ្ងៃទី២៦ ខែឧសភា ឆ្នាំ២០១៧ នៅបន្ទប់ជួល ភូមិព្រៃព្រីងជើង សង្កាត់ចោមចៅ ខណ្ឌពោធិ៍សែនជ័យ ដកហូតថ្នាំញៀនមួយកញ្ចប់តូច និងម៉ូតូ១គ្រឿង។
សមត្ថកិច្ចបញ្ជាក់ថា ជនសង្ស័យទី១ ឈ្មោះអឿន តុលា ភេទប្រុស អាយុ ២៦ឆ្នាំ មុខរបរមិនពិតប្រកដ ស្នាក់នៅបន្ទប់ជួលភូមិព្រៃព្រីងជើង ទី២ឈ្មោះសុខសុផេន ភេទប្រុស អាយុ២៧ឆ្នាំ មុខរបរមិនពិតប្រាកដ ទី៣ឈ្មោះ សុខសុភា ភេទប្រុស អាយុ៣១ឆ្នាំ មុខរបរមិនពិតប្រកដ ទី៤ឈ្មោះ មឿង ភត្ត្រា ភេទប្រុស អាយុ២០ឆ្នាំ មុខរបរមិនពិតប្រកដ ស្នាក់នៅបន្ទប់ជួលជាមួយគ្នា។
សមត្ថកិច្ចបានឲ្យដឹងថា ដោយសារមានការសហការជាមួយបងប្អូនប្រជាពលរដ្ឋ នៅក្បែរទើបសមត្ថកិច្ចបើកប្រតិបត្តិការស៊ើបអង្កេត រហូតឈានចុះទៅឆែកឆេរក្នុងបន្ទប់ជួល ខណៈពួកគេកំពុងប្រមូលផ្តុំគ្នាជក់គ្រឿងញៀន ទើបកម្លាំងឃាត់ខ្លួនតែម្តង និងដកហូតថ្នាំញៀន១កញ្ចប់តូច រួមទាំងម៉ូតូមួយគ្រឿងម៉ាកគុបជ្រុង ។
ក្រោយពេលឃាត់ខ្លួនជនសង្ស័យទាំង៤នាក់ ត្រូវបានសមត្ថកិច្ចកសាងសំណុំរឿង បញ្ជូនទៅអធិការនគរបាលខណ្ឌពោធិ៍សែនជ័យរង់ចាំចាត់ការបន្ត៕ សុខាសែនជ័យ
