សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ មានករណីហិង្សាកើតឡើងបង្កដោយជនសង្ស័យចំនួន៣នាក់ កាលពីថ្ងៃទី៣១ ខែឧសភា ឆ្នាំ២០១៧ វេលាម៉ោង២២នាទី នៅរង្វង់មូលតោពីរ ក្រុមទី១៤ភូមិ៤ សង្កាត់លេខ៤ ក្រុងព្រះសីហនុ ខេត្តព្រះសីហនុ ជនសង្ស័យចំនួន៣នាក់រួមមាន ៖
១, ឈ្មោះ ហុឹម សុកាន់ ភេទប្រុស អាយុ២២ឆ្នាំ មុខរបររៀន បច្ចុប្បន្នរស់នៅភូមិក្រាំក្តី ស្រុកកោះស្លា ខេត្តកំពត ជាអ្នកកាន់ស្នាប់ដៃជាប់ជាមួយកាំបិតចុងស្រួច,ជំពាមកៅស៊ូ ,ដែកបំពង់ទីបមូល ។
២, ឈ្មោះ ស្វាយ អ៊ុនតាក់ ភេទប្រុស អាយុ២៦ ឆ្នាំ មុខរបរកម្មដឹកទឹកកកអនាម័យ រស់នៅពយកំពេញ ភូមិ១ សង្កាត់លេខ៣ ក្រុង-ខេត្តព្រះសីហនុ ជាអ្នកកាន់ច្រវ៉ាក់ដែក ។
៣, ឈ្មោះ សុឹម ដារ៉ា ភេទប្រុស អាយុ២០ឆ្នាំ មុខរបរកម្មករដឹកទឹកកកអនាម័យ រស់នៅពយកំពេញភូមិ១ សង្កាត់លខ៣ ក្រុង-ខេត្តព្រះសីហនុ ។
មួយរយៈចុងក្រោយនេះ គេសង្កេតឃើញថា ស្នងការខេត្តព្រះសីហនុបានបង្រ្កាបអំពើខុសច្បាប់ជាបន្តបន្ទាប់នៅឯខេត្តព្រះសីហនុ ដើម្បីសុខសុវត្ថិភាពជូនភ្ញៀវទេសចរណ៍ជាតិនិងអន្តរជាតិ ព្រមទាំងប្រជាពលរដ្ឋទូទៅ ។
ជនរងគ្រោះមិនទាន់អាចធ្វើការទំនាក់ទំនងបាននៅឡើយ ។ ចប្ចុប្បន្នជនសង្ស័យទាំង៣នាក់ខាងលើបានធ្វើការឃាត់ខ្លួន រួមនឹងវត្ថុតាងនៅអធិការដ្ឋាននគរបាលក្រុងព្រះសីហនុ ដើម្បីកសាងសំណុំរឿងបញ្ចូនទៅការិយាល័យជំនាញចាត់ការទៅតាមនីតិវិធីច្បាប់បន្ត ៕ ឆ្លាម សមុទ្រ
