សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ប្រជាពលរដ្ឋបានប្រទះឃើញបុរសម្នាក់ដេកស្លាប់តាមដងផ្លូវកាលពីវេលាម៉ោង១និង៣០នាទីរំលងអធ្រាត្រ ឈានចូលថ្ងៃទី១៥ ខែមិថុនា ឆ្នាំ២០១៧ នៅចំណុចខាងត្បូងផ្សារសូរិយា ផ្លូវលេខ១៥៤ កែងផ្លូវ៦៣ ស្ថិតក្នុងសង្កាត់ផ្សារថ្មីទី៣ ខណ្ឌដូនពេញ។
សាក្សីថា ឃើញជនរងគ្រោះជិះកង់មកអង្គុយលេងនៅទីតាំងខាងលើ ក្រោយមកស្រាប់តែដាក់ខ្លួនដេកទៅនឹងចិញ្ចើមផ្លូវពេលនោះអ្នកជិតខាងដើរមកមើលស្រាប់តែជនរងគ្រោះស្លាប់បាត់ទៅហើយ ទើបបង្កការភ្ញាក់ផ្អើលដល់ប្រជាពលរដ្ឋ ដែលនៅក្បែររាយការណ៍ទៅសមត្ថកិច្ចមូលដ្ឋានចុះមកដល់ចំណុចកើតហេតុ និងឆែកឆេរលើដងខ្លួនដើម្បីរកអត្តសញ្ញាណបណ្ណតែពុំមានទើបហៅរថយន្តដឹកសពទៅតម្តល់នៅវត្តទួលសង្កែរដើម្បីបូជាតាមប្រពៃណី។
គួរបញ្ញាក់ផងដែរថា បុរសខាងលើតែងតែឃើញមកអង្គុយកន្លែងនោះជាញឹងញាប់ដោយពុំមាន កន្លែងស្នាក់នៅអោយពិតប្រាកដនោះទេ៕ សុខាសែនជ័យ
