សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្រ្តីម្នាក់រួមនិងកូនប្រុសអាយុ១០ឆ្នាំត្រូវកម្លាំងអាវុធហត្ថខណ្ឌសែនសុខឃាត់ខ្លួន ខណៈរូបគេបានប្រព្រឹត្ត នូវអំពើលួចយកលុយចំនួន៤០០ដុល្លារ និងទូរស័ព្ទដៃiphone ហ្វាយ ១គ្រឿង ក្រោយពីប្រកបរបរបេះផ្លែឈូកមិនកាក់កប។
ការឃាត់ខ្លួនស្រ្តីសង្ស័យ និងកូនខាងលើនេះ នៅវេលាម៉ោង ២៣និង១៥នាទីយប់ ថ្ងៃទី ១៤ ខែមិថុនា ឆ្នាំ ២០១៧ នៅចំណុច ផ្សារ បឹងបៃតង ភូមិ ច្រេស សង្កាត់ភ្នំពេញថ្មី ខណ្ឌសែនសុខ។
កងរាជអាវុធហត្ថខណ្ឌសែនសុខបានឲ្យដឹងថា ជនរងគ្រោះឈ្មោះ គៀ សុវណ្ណធារី ភេទ ស្រី អាយុ ២៩ ឆ្នាំ មុខរបរ លក់ដូរ ស្នាក់នៅ ភូមិ ភ្នំពេញថ្មី សង្កាត់ ភ្នំពេញថ្មី ខណ្ឌសែនសុខ។ ចំណែកស្ត្រីសង្ស័យមានឈ្មោះ មោង ផៃ អាយុ ៤៥ឆ្នាំ មុខរបរ បេះឈូក ស្នាក់នៅ ភូមិ អំពិលទឹក ឃុំ អំពិលទឹក ស្រុក លើកដែក ខេត្ត កណ្ដាល នឹង ឈ្មោះ ម៉ៅ សិត ភេទ ប្រុស អាយុ10 ឆ្នាំ (ត្រូវជាកូន)ជាអ្នកប្រព្រឹត្តិ។
ប្រភពពីជនរងគ្រោះបានឲ្យដឹងថា នៅមុនពេលកើតហេតុ រូបគាត់បានទុកកាបូបស្ពាយដែលមានសម្ភារៈដូចជា ប្រាក់ចំនួន៤០០ដុល្លារ និង ទូរស័ព្ទ iphone ហ្វាយ មួយគ្រឿងនៅលើតុ ហើយចូលទៅក្នុងបន្ទប់ទឹក ដើម្បីផ្លាស់ខោអាវ ពេលនោះស្រាប់តែកូនប្រុសស្រ្តីសង្ស័យ ដែលមានអាយុ១០ឆ្នាំ ចូលទៅលួចយកកាបូបនោះ ទៅឲ្យម្តាយភ្លាមនោះជនរងគ្រោះទាន់ ក៏ស្រែកឲ្យគេជួយស្លន់ស្លោ ហើយកម្លាំងអាវុធហត្ថនៅទីនោះចេញមកជួយឃាត់ខ្លួនបានតែម្តង។
បច្ចុប្បជនសង្ស័យពីរនាក់ម្តាយកូន ត្រូវបានបញ្ជួនទៅការិយាល័យបទល្មើសព្រហ្មទណ្ឌអាវុធហត្ថរាជធានីភ្នំពេញចាត់ការតាមច្បាប់៕ តុង សីហា
