សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ជនសង្ស័យជាយុវជនក្មេងៗឈាមរាវ២នាក់ ត្រូវបានសមត្ថកិច្ចឃាត់ខ្លួនបានភ្លាមៗ បន្ទាប់ពីធ្វើសកម្មភាពឆក់កាបូបពីជនជាតិបរទេស២នាក់ ។ ហេតុការណ៍នេះ បានកើតឡើងនៅវេលាម៉ោង៧និង៣០នាទីយប់ ថ្ងៃទី២៦ ខែមិថុនា ឆ្នាំ២០១៧ នៅចំណុចផ្លូវលេខ២៤០ កែងនឹងផ្លូវលេខ៥១ ស្ថិតក្នុងសង្កាត់បឹងរ៉ាំង ខណ្ឌដូនពេញ ។
បើតាមប្រភពពត៌មានពីកន្លែងកើតហេតុបានឲ្យដឹងថា នៅមុនពេលកើតហេតុនារីជនជាតិបរទេសបានដើរ២នាក់ ពេលមកដល់ចំណុចកើតហេតុភ្លាមនោះ ស្រាប់តែមានជនសង្ស័យទាំង២នាក់ ជិះម៉ូតូម៉ាកហុងដាឌ្រីម សេរីឆ្នាំ២០១៧ បានជិះមកធ្វើសកម្មភាពឆក់កាបូប ហើយបានដួល ក៏ត្រូវប្រជាពលរដ្ឋចាប់បាន និងប្រគល់ឲ្យសមត្ថកិច្ច ។
ក្រោយមកសមត្ថកិច្ចបាននាំខ្លួនជនសង្ស័យទាំង២នាក់ទៅសួរនាំនៅអធិការដ្ឋាននគរបាលខណ្ឌដូនពេញដើម្បីសួរនាំ ចំណែកជនរងគ្រោះជាជនបរទេសទាំង២នាក់ ក៏បានទៅដាក់ពាក្យបណ្តឹងផងដែរ ៕ សុខាសែនជ័យ
