សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ឆ្នាំង ៖ យុវជនម្នាក់បានរងរបួសបាក់ដៃទាំងសងខាងក្រោយពីបានធ្លាក់ពីចុងដូង ក្នុងពេលដែលជនរងគ្រោះបានឡើងទៅបេះដូងផឹកទឹក ។ ហេតុការណ៍នេះបានកើតឡើងកាលពីវេលាម៉ោង៣និង៣០នាទី ថ្ងៃទី២៧ ខែមិថុនា ឆ្នាំ២០១៧ នៅភូមិព្រៃខ្មែរ ឃុំរលាប្អៀរ ស្រុករលាប្អៀរ ខេត្តកំពង់ឆ្នាំង ។
ជនរងគ្រោះមានឈ្មោះ ម៉ិល ណុច ភេទប្រុស អាយុ២៣ឆ្នាំ រស់នៅភូមិបាញ់ឆ្គោល ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង ។
ប្រជាពលរដ្ឋអ្នកឃើញហេតុការណ៍បានឲ្យដឹងថា នៅមុនពេលកើតហេតុ ជនរងគ្រោះ បានមកកើបអាចម៍គោនៅផ្ទះគេក្បែផ្សារព្រៃខ្មែរ ក្រោយពីកើបអាចម៍គោជិតរួច ចង់ផឹកទឹកដូង ក៍ឡើងដើមដូង ដើម្បីទៅបេះផ្លែយកទឹកផឹក នៅពេលដែលឡើងដល់ចុងដូងដែលមានកំពស់ប្រហែលជាង៥ម៉ែត្រ ក៍ស្រាប់តែរបូតដៃមកធ្លាក់មកដី បណ្តាលអោយរងរបួសសន្លប់ស្តូកស្តឹង បាក់ដៃទាំងសងខាងតែម្តង ក្រោយពេលកើតហេតុ ប្រជាពលរដ្ឋនៅក្បែរកន្លែងកើតហេតុបានដឹកជនរងគ្រោះមកសង្រ្គោះនៅមន្ទីរពេទ្យបង្អែកខេត្តកំពង់ឆ្នាំងតែម្តង ៕ ចន្ថា
