សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យជាអ្នកជួញដូរគ្រឿងញៀនវ័យក្មេងម្នាក់ ត្រូវបានកម្លាំងនគរបាលឃាត់ខ្លួនកាលពីវេលាម៉ោង១និង៣០នាទីរំលងអធ្រាតហរ ឈានចូលថ្ងៃទី២៩ ខែមិថុនា ឆ្នាំ២០១៧ នៅចំណុចផ្លូវR6 ជាប់នឹងផ្លូវរថភ្លើង សង្កាត់ស្រះចក ខណ្ឌដូនពេញ និងដកហូតថ្នាំញៀន២៥កញ្ចប់តូច។
ជនសង្ស័យឈ្មោះ ហ៊ុយ ភារា ហៅអាពេជ្រ ភេទប្រុស អាយុ១៤ឆ្នាំ មុខរបរជួញដូរថ្នាំញៀន ស្នាក់នៅម្តុំបឹងកក់ ខណ្ឌទួលគោក។
សមត្ថកិច្ចបានឲ្យដឹងថា នៅមុនពេលកើតហេតុ កម្លាំងល្បាតខណ្ឌបានចុះល្បាតក្នុងមូលដ្ឋាន ខណៈដល់ចំណុចកើតហេតុ ក៏ឃើញជនសង្ស័យកំពុងឈរកន្លែងងងឹត ទើបសមត្ថកិច្ចហៅឆែកឆេរដងខ្លួនរកឃើញថ្នាំញៀន២៥កញ្ចប់ ដែលជនសង្ស័យលាក់ទុកក្នុងកញ្ចប់បារី ទើបសមត្ថកិច្ចឃាត់ខ្លួនតែម្តង។
នៅចំពោះមុខសមត្ថកិច្ច ជនសង្ស័យបានសាភាពថា ខ្លួនបានយកថ្នាំញៀនទាំងនេះ មកលក់ជាញឹកញាប់ផងដែរ ក្នុងមួយកញ្ចប់តម្លៃ៥ដុល្លារ។
ក្រោយពីការឃាត់ខ្លួន ជនសង្ស័យត្រូវបានសមត្ថកិច្ចបញ្ជូនទៅអធិការនគរបាលខណ្ឌដូនពេញរង់ចាំចាត់ការតាមផ្លូវច្បាប់៕ ព្រែកជ័យ
