សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យ៣នាក់ត្រូវបានកម្លាំងនគរបាលផ្នែកគ្រឿងញៀនសហការជាមួយនគរបាលប៉ុស្តិ៍ស្រះចក ឃាត់ខ្លួនពាក់ព័ន្ធនឹងករណីគ្រឿងញៀនពីរផ្សេងគ្នា ជាលិទ្ធផលដកហូតថ្នាំញៀនជាច្រើនកញ្ចប់ផងដែរ ។
លោកឈ្មោះ ត្រេះ វ៉ាន់នី អធិការរងទទួលផែនគ្រឿងញៀន ខណ្ឌដូនពេញ បានឲ្យដឹងថា ករណីទី១ បានធ្វើឡើងកាលពីវេលាម៉ោង៨និង៣០នាទីព្រឹកនៅចំណុច ផ្លូវរថភ្លើង ក្រុមទី៣៩ ភូមិ៣ សង្កាត់ស្រះចក ខណ្ឌដូនពេញ រាជធានីភ្នំពេញ កាលពីថ្ងៃទី០៣ ខែកក្កដា ឆ្នាំ២០១៧ ដោយដកហូតបានថ្នាំញៀនមួយចំនួន។
លោកអធិការរង បានបន្តទៀតថា យុវជនសង្ស័យដែលត្រូវបានឃាត់ខ្លួនបាននោះមានឈ្មោះវ៉ាន់ ពេជ្រ ភេទប្រុស អាយុ១៨ឆ្នាំ មុខរបរមិនពិតប្រាកជនជាតិខ្មែរ ផ្លូវរថភ្លើង ក្រុមទី០៩ ភូមិ៣ សង្កាត់ស្រះចក ខណ្ឌដូនពេញ រាជធានីភ្នំពេញ។
ប្រភពដដែលបានបន្តថាក្នុងការឃាត់ខ្លួនជនស្ស័យខាងលើនេះដោយសមត្ថកិច្ចបានដាក់កម្លាំងបង្កប់ដើម្បីតាមដានសកម្មភាពជនសង្ស័យ ស្រាប់តែភ្លាមនោះជនសង្ស័យមានសកម្មភាពជាក់ស្តែង ទើបកម្លាំងចាប់ក្របួចតែម្តងជាមួយវត្ថុតាងមានថ្នាំញៀនប្រភេទក្រាមពណ៌សថ្លាចំនួន០៣កញ្ចប់តូច និងមានទូរស័ព្ទមួយគ្រឿងរួមនឹងទឹកប្រាក់មួយចំនួនផងដែរ។
ករណីទី២ បានធ្វើឡើងកាលវេលាម៉ោង ១០និង៣០នាទីព្រឹកថ្ងៃដដែរ នៅចំណុចច្រកឌឿងហែម ផ្លូវលេខ៩០ ភូមិ១២សង្កាត់ ស្រះចក ខណ្ឌដូនពេញ រាជធានីភ្នំពេញ ។
ជនសង្សយ័ត្រូវឃាត់ខ្លួនទី១ឈ្មោះជី វិរះ ភេទប្រុស អាយុ៣៧ ឆ្នាំ ជនជាតិខ្មែរ មុខរបរនឹងទីលំនៅមិនពិត ប្រាកដ (ឃាត់ខ្លួនពីបទ:ជួញដូរដោយខុសច្បាប់នូវសារធាតុញៀន) ទី២,ឈ្មោះ អឿន សន្តិភាព ភេទប្រុស អាយុ២៥ឆ្នាំ ជនជាតិខ្មែរ មុខរបរលក់នំបុង័ ស្នាក់នៅផ្ទះលេខ១៨Eo ផ្លូវលេខ ៤៧ សង្កាត់ស្រះចក ខណ្ឌដូនពេញ រាជធានីភ្នំពេញ(ឃាត់ខ្លួនពីបទ:ប្រើ ប្រាស់ដោយខុសច្បាប់នូវសារធាតុញៀន)។ វត្ថុតាងចាប់យក-ក្រាមពណ៌សថ្លាសង្សយ័ជាគ្រឿង ញៀនចំនួន០៣កញ្ចប់តូច(បីកញ្ចប់ចាបយកពីឈ្មោះជី វិរះ)-ទូរសព្ទ័ដៃមួយគ្រឿងម៉ាកhiya-ដបចោះគំរបដាក់ទុយោ០១-ទុយោមួយចំនួន-កន្រ្តៃមួយនឹងដែកកេះមួយ-ម៉ូតូ០១គ្រឿងម៉ាកDucatiពណ៌ខ្មៅពាក់ស្លាកលេខភ្នំពេញ១FX.២៨៦៩ ។
បច្ចុប្បន្នជនសង្ស័យទាំង៣នាក់កំពុង ឃុំខ្លួនបណ្ដោះអាសន្ននៅអធិការដ្ឋាននគរបាលដូនពេញ ដើម្បីកសាងសំណុំរឿងបញ្ជូនទៅតុលាការចាត់ការតាមច្បាប់ ៕ ស តារា
