សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ឆ្នាំង ៖ បុរសម្នាក់ត្រូវចរន្តអគ្គីសនីឆក់ស្លាប់ ក្នុងខណៈដែលជនរងគ្រោះតខ្សែភ្លើងអត់បានបិតបារ៉ែត ដែល ហេតុការណ៍នេះ បានកើតឡើងកាលពីព្រលប់ថ្ងៃទី៥ ខែកក្កដា ឆ្នាំ២០១៧ នៅភូមិឧកញ៉ាប៉ាង ឃុំលង្វែក ស្រុកកំពង់ត្រឡាច ខេត្តកំពង់ឆ្នាំង។
សមត្ថកិច្ចនគរបាលប៉ុស្តិលង្វែកបានឲ្យដឹងថា ជនរងគ្រោះឈ្មោះភួង សុភ័ណ្ឌ ភេទប្រុស អាយុ៣៦ឆ្នាំ មានទីលំបច្ចុប្បន្ននៅភូមិ ឃុំខាងលើ ។
សមត្ថកិច្ចបានឲ្យដឹងទៀតថា នៅមុនពេលកើតហេតុ ជនរងគ្រោះបានឡើងតអំពូលភ្លើងនៅក្រោមផ្ទះ ក្រោយពីតរួចហើយបានយកលួសរុំនឹងអំពូលភ្លើង ថ្ពក់នឹងខ្សែភ្លើង ហើយបានយកឌុយស៊កចូលក្នុងព្រីភ្លើង ក្នុងពេលដែលដៃកំពុងកាន់អំពូលភ្លើង ក៏បណ្តាលឲ្យឆក់ប្រកាច់ស្លាប់តែម្តង ។
ក្រោយពេលកើតហេតុ ក្រុមគ្រួសារនៅមិនទាន់អស់ចិត្ត ក៏យកមកសង្រ្គោះបឋមនៅមន្ទីរពេទ្យបង្អែកស្រុក ប៉ុន្តែជនរងគ្រោះបានដាច់ខ្យល់ស្លាប់បាត់ទៅហើយ ៕ ចន្ថា
