សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ មានអគ្គីភ័យឆាបឆេះផ្ទះទាំងព្រឹកនៅក្នុងសង្កាត់ទួលស្វាយព្រៃ២ ខណ្ឌចំការមន ។
ហេតុការណ៍នេះបង្កការភ្ញាក់ផ្អើលកាលពីវេលាម៉ោង៩ព្រឹក ថ្ងៃទី១២ ខែកក្កដា ឆ្នាំ២០១៧ ស្ថិតនៅតាមបណ្ដោយផ្ទះលេខ៧៤cផ្លូវលេខ៣៨៤ សង្កាត់ទួលស្វាយព្រៃ២ ខណ្ឌចំការមន រាជធានីភ្នំពេញ។
ករណីអគ្គីភ័យខាងលើនេះ គឺបណ្តាលមកពីម្ចាស់ផ្ទះពេលចំអិនអាហារទុកចោល ហើយចេញទៅរួចចាក់សោពីខាងក្រៅបង្កជាអណ្តាតភ្លើងឆេះបែបនេះតែម្តង ។ ក្នុងការជួយអន្តរាគមន៏សង្គ្រោះអគ្គីភ័យខាងលើនេះរថយន្តពន្លត់អគ្គីភ័យក៏បានមកដល់ដែលតែមិនបានបាញ់ទេដោយសារមិនមានឆាប់ឆេះខ្លាំង។
ប្រភពបានឲ្យដឹងទៀតថា រហូតមកដល់ម៉ោង៩នឹង៣៩នាទី ថ្ងៃដដែល ទើបបាញ់ពន្លត់ភ្លើងទាំងស្រុង តែមិនបណ្ដាលឲ្យមនុស្សណារងរបួសនោះទេ ប៉ុន្តែបានបណ្ដាលឲ្យខូចខាតសម្ភារះមួយចំនួនតូច៕ ស រស្មី
