សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង ៖ បុរសម្នាក់បានចងកសម្លាប់ខ្លួនក្រោមដើមស្វាយ សង្ស័យមានជំងឺប្រចាំកាយព្យាបាលមិនជា បង្កឲ្យមានការភ្ញាក់ផ្អើល និងរាយការណ៍សមត្ថកិច្ចចុះពិនិត្យ ។
ហេតុការណ៏ភ្ញាក់ផ្អើលនេះបានកើតឡើងកាលពីវេលាម៉ោង៦ព្រឹក ថ្ងៃទី១១ ខែកក្កដា ឆ្នាំ២០១៧ ស្ថិតក្នុងភូមិត្រពាំងភ្លោះ ឃុំជ្រៃធំ ស្រុករមាសហែក ខេត្តស្វាយរៀង ។
សមត្ថកិច្ចថា កម្លាំងនគរបាលស្រុក សហការជាមួយនគរបាលជំនាញ និងក្រុមគ្រូពេទ្យបានចុះមកដល់កន្លែងកើតហេតុ។ សពដែលស្លាប់មានឈ្មោះ អួ ហាង អាយុ៦៨ ឆ្នាំ មុខរបរកសិកររស់នៅត្រពាំងភ្លោះ ឃុំជ្រៃធំ ស្រុករមាសហែក ខេត្តស្វាយរៀង។ ក្រោយពីពិនិត្យសាសពរួចមិនឃើញមានស្នាលស្នាមសម្គាល់ជាអំពើឃាដកម្មអ្វីនោះទេ ដោយ ជនរងគ្រោះ ពិតជាបានស្លាប់ចងកសម្លាប់ខ្លួនឯងប្រាកដមែន ខណៈក្រុមគ្រួសារបានអះអាងប្រាប់សមត្ថកិច្ចថា ប្ដីគាត់មានជំងឺព្យាបាលមិនជាយូរឆ្នាំមកហើយ ដោយខ្ចីបុលអ្នកភូមិទិញថ្នាំសង្កូវផឹកដែរ ប៉ុន្តែនៅមិនធូរស្រាល ស្រាប់តែគិតខ្លីបែបនេះ ។
បច្ចុប្បន្ន សាកសពជនរងគ្រោះត្រូវសមត្ថកិច្ចបានធ្វើកំណត់ហេតុប្រគល់ទៅឲ្យក្រុមគ្រួសារយកធ្វើបុណ្យតាមប្រពៃណី ៕ យឹម សុថាន
