ជនជាតិចិនស្រវឹងស្រាបើកឡានបុកបុរសម្នាក់ស្លាប់ ព្យាយាមបើករត់សមត្ថកិច្ចស្ទាក់ចាប់បាន

ខេត្តព្រះសីហនុ៖ យុវជនម្នាក់បានរងរបួសធ្ងន់ បញ្ជូនមកកាន់មន្ទីពេទ្យបង្អែកចំការចេក ក្រុងព្រះសីហនុ ក្រោយពីបានសង្គ្រោះបឋមនៅគ្លីនិចឯក ចាក់អង្រែ និងបានបាត់បង់ជីវិតនាពេលក្រោយមក បន្ទាប់ពីត្រូវបានរថយន្ត ជនជាតិចិនស្រវឹងស្រាបើកបុក ហើយព្យាយាមរត់គេច តែត្រូវសមត្ថកិច្ចតាមប្រមាញ់បាន នៅចម្ងាយជិតម្ភៃគីឡូម៉ែត្រពីកន្លែងកកើតហេតុ។

ហេតុការណ៍នេះបានកើតឡើងនៅវេលាម៉ោង២៣និង៣០នាទី ថ្ងៃទី១៣ ខែកក្កដា ឆ្នាំ២០១៧ នៅចំណុចក្បែររង្វង់មូលតោពីរ ស្ថិតក្នុងភូមិ០៤ សង្កាត់លេខ៤ ក្រុងព្រះសីហនុ។

ជុំវិញករណីនេះ បើយោងតាមប្រភពពីសមត្ថកិច្ចចរាចរណ៍ ជំហានដំបូងបានឲ្យដឹងថា នៅវេលាម៉ោងកើតហេតុខាងលើ មានករណីគ្រោះថ្នាក់ចរាចរណ៍មួយកើតឡើង បង្កដោយ រថយន្តម៉ាក ឡិចស៊ីស ពណ៌ខ្មៅ បាក់ស្លាកលេខភ្នំពេញ 2R 2600 បើកបរដោយបុរស ជនជាតិចិនឈ្មោះ CHANG WEN YUAN ភេទ ប្រុស អាយុ ៥២ឆ្នាំ មានទីនៅរាជធានីភ្នំពេញ រួមដំណើរជាមួយស្ត្រីអ្នកបើកប្រែម្នាក់ ឈ្មោះ ដៀន ស្រី នាង អាយុ២១ ឆ្នាំ មានទីលំនៅខេត្តកណ្តាល បានបើកទៅបុកជាមួយម៉ូតូមួយគ្រឿង ម៉ាក ហ្សូមអ៊ិច ពណ៏ខ្មៅ បើកបរដោយ យុវជនម្នាក់ឈ្មោះណាប ហៀន ភេទ ប្រុសអាយុ ២៤ឆ្នាំមានទីលំនៅសង្កាត់លេខ០១ក្រុងព្រះសីហនុ រងរបួសធ្ងន់ កំរាកសង្គ្រោះបន្ទាន់មន្ទីរពេទ្យបង្អែកកំការចេក ពេលដឹកស្ត្រីបកប្រែចេញពីក្លឹបក្បែរង្វង់មូលតោពីរ ។

ប្រភពសមត្ថកិច្ចដដែលបានបន្តថា រថយន្តជនបង្កក្រោយពីបានបង្កគ្រោះថ្នាក់ចរាចរណ៍ រួចមក ពុំបានឈប់ដោះស្រាយតាមផ្លូវច្បាប់នោះទេ គឺបានព្យាយាមបើកគេច បើទោះបីជាសមត្ថកិច្ចព្យាយាមតាមឃាត់យ៉ាងណាក្តី រហូត បានចម្ងាយជិត២០គីឡូម៉ែត្រ ទើបសមត្ថកិច្ចឃាត់បានបញ្ជូនមកកាន់ការិយាល័យចរាចរណ៍ខេត្តព្រះសីហនុ តែម្តង ៕ ឆ្លាម សមុទ្រ