ក្មេងស្រី២នាក់ស្លាប់ និងម្នាក់ទៀតរងរបួសធ្ងន់ដោយរថយន្តបោលបុកចូលផ្ទះប្រជាពលរដ្ឋនៅក្រុងស្វាយរៀង

ខេត្តស្វាយរៀងៈ យ៉ាងហោចណាស់ក្មេងស្រី២នាក់បានស្លាប់និងម្នាក់ទៀតរ ងរបួសធ្ងន់ ខណៈដែលមានករណីគ្រោះថ្នាក់ចរាចរណ៏គួរឲ្យរន្ទត់តក់ស្លុតបំផុតដោយសារតែរថយន្តម៉ាក កាមរីហើមពណ៍សំបកឪឡឹកមួយគ្រឿង សង្ស័យស្រវឹងស្រា ធ្វើដំណើរពីលិចមកកើតយ៉ាងលឿន ស្រាប់តែរេចង្កូតបុកចូលផ្ទះប្រជាពលរដ្ឋពេញទំហឹង បង្កឲ្យមានការភ្ញាល់ផ្អើលដល់អ្នកធ្វើដំណើរចោមរោមមើល កាលពីវេលាម៉ោង២និង៣៥នាទីរសៀល ថ្ងៃទី១៥ ខែកក្កដា ឆ្នាំ២០១៧ ស្ថិតក្នុងភូមិពោតាហោ សងា្កត់ពោតាហោ ក្រុងស្វាយរៀង។

សមត្ថកិច្ចនគរបាលក្រុងស្វាយរៀងបានឲ្យដឹងថា ក្មេងស្រីដែលបាត់បង់ជីវិតមានឈ្មោះ សោភ័ណ សម្ពស្ស អាយុ៦ឆ្នាំ រស់នៅភូមិខាងលើ និងហ៊ុន សុវណ្ណលីកា ភេទស្រីអាយុ៥ឆ្នាំរស់នៅភូមិថ្នល់កែង ពោតាហោ ក្រុងស្វាយរៀង និងអ្នករងរបួសមានឈ្មោះ សេក រតនា ភេទស្រី អាយុ៤៨ឆ្នាំ លក់ដូរ ភូមិពោតាហោ សង្កាត់ពោតាហោ (របួសធ្ងន់) បញ្ជួនទៅពេទ្យភ្នំពេញ ។

ប្រភពបន្តថា ចំណេកអ្នកបើករថយន្របង្ហហេតុមានឈ្មោះ ញែម វណ្ណដេត ភេទប្រុស អាយុ២៨ឆ្នាំ រស់នៅភូមិកញ្ឆែត ឃុំស្វាយរំពា ស្រុកស្វាយទៀបនិងនាក់រួមដំណើរចំនួន៣នាក់ មានឈ្មោះ ណៃ ស៊ីណេន ប្រុស អាយុ ២២ឆ្នាំ ឈ្មោះ សៀវ សំណាង ភេទប្រុស អាយុ២៩ឆ្នាំ និងឈ្មោះ ពៅ សារុន ប្រុសអាយុ២២ឆ្នាំ មុខរបរកម្មករសំណង់ទាំង៣នាក់រស់នៅភូមិ ឃុំជាមួយគ្នា ចំណែករថយន្តម៉ាក កាមរីហើម ពណ៍សំបកឪឡឹក ស្លាកលេខ ភ្នំពេញ ២D ១៦ ០៧ ខូចខាតយ៉ាងដំណំ។

សមត្ថកិច្ចបញ្ជាក់ថា មូលហេតុដោយសារតែរថយន្តបង្កស្រវឹងស្រាទើបមានករណីនេះកើតឡើង។

ចំពោះអ្នកបើកបរ និងរថយន្តត្រូវបានសមត្ថកិច្ចយកមកកាន់អធិការដ្ឋាននគរបាលក្រុងស្វាយរៀងចាត់ការបន្តតាមច្បាប់ ៕ យឹម សុថាន