សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តឡិចស៊ីសមួយគ្រឿងលឿនដល់ផ្លូវបំបែកជា៤មិនប្រុងប្រយត្ន័ជ្រុលទៅបុករះ រថយន្ត២គ្រឿងបណ្ដាលឲ្យរងការខូចខាតយ៉ាងដំណំទាំង៣គ្រឿង ៖ ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោងរំលងអធ្រាត្រ ឈានចូលថ្ងៃទី២១ ខែកក្ដដា ឆ្នាំ២០១៧ នៅតាមបណ្ដោយផ្លូវ២០៥ កែងនឹងផ្លូវ៣២៨ ស្ថិតក្នុងសង្កាត់ទួលស្វាយព្រៃ២ ខណ្ឌចំការមន រាជធានីភ្នំពេញ ។
បើតាមប្រភពព័ត៌មាននៅកន្លែងកើតហេតុបានឲ្យដឹងថា មុនពេលកើតហេតុរថយន្តកូរ៉ូឡា ពណ៌ទឹកប្រាក់ពាក់ស្លាកលេខ ភ្នំពេញ 2Z-8364 បើកបរដោយបុរសម្នាក់រួមដំណើរជាមួយក្រុមគ្រួសារ៦ទៅ៧នាក់ ធ្វើដំណើរតាមបណ្ដោយផ្លូវ៣២៨ ទិសដៅពីជើងទៅត្បូង ខណៈមកដល់ ផ្លូវបំបែកជាបួនដែលជាចំណុចកើតហេតុក៏ ស្រាប់តែមានរថយន្តម៉ាក ឡិចស៊ីសRX300 ពណ៌ទឹកប្រាក់ ពាក់ស្លាកលេខ ភ្នំពេញ 2AC -2688 បើកបរដោយបុរសជនជាតិវៀតណាម ម្នាក់ និងមិត្តភក្ភិ២នាក់ទៀត ដោយធ្វើ ដំណើរតាមបណ្ដោយផ្លូវ២០៥ ទិសដៅពីកើតទៅលិចដោយបើកនៅក្នុងល្បឿនលឿនហើយមិនបានប្រុងប្រយត្ន័ ក៏ជ្រុលទៅបុករថយន្តកូរ៉ូឡាចំហៀងពីមុខពេញទំហឹង ហើយរថយន្តនៅមិនទាន់អស់ល្បឿនជ្រុលឡើងឃឿន ចញ្ចើមផ្លូវជ្រុលទៅបុករថយន្តកាមរីស្វិតពណ៌ ស មួយគ្រឿតទៀត ពាក់ស្លាកភ្នំពេញ ក 6637រងការខូចខាតសំណាងគ្មានអ្នករងរបួស ។
ក្រោយពីកើតហេតុកម្លាំងសមត្ថកិច្ចមូលដ្ឋានបានចុះដល់កន្លែងកើតហេតុ និងបានទំនាក់ទំនងទៅកម្លាំងជំនាញចុះវាស់វែងយករថយន្ដទាំង៣គ្រឿង ទៅរក្សាទុកនៅការិយាល័យចរាចរណ៍រាជធានីភ្នំពេញដើម្បីដោះស្រាយតាមផ្លូវច្បាប់៕ ភារ៉ា ដង្កោ
