រថយន្ដដឹកដីបើកបុកស្រ្ដីម្នាក់កំពុងជិះម៉ូតូដឹកកូនបណ្ដាលឲ្យស្លាប់ម្ដាយពេលបញ្ជូនទៅមន្ទីរពេទ្យ

ខេត្តកំពង់ធំ៖ រថយន្ដដឹកដីបើកបុកស្រ្ដីម្នាក់កំពុងជិះម៉ូតូដឹកកូន នៅចំណុចផ្លូវលំនៅក្នុងភូមិ កំពង់ធំ សង្កាត់កំពង់រទេះ ក្រុងស្ទឹងសែន ខេត្តកំពង់ធំ កាលពីវេលាម៉ោង ០៨ និង៤៥នាទីព្រឹក ថ្ងៃ៣១ ខែកក្កដា ឆ្នាំ២០១៧ ក្នុងទិសដៅផ្ទុយគ្នា បណ្ដាលឲ្យជនរងគ្រោះស្ត្រីជាម្ដាយ និងស្លាប់ពេលបញ្ជូនដល់មន្ទីរពេទ្យ ឯកូន រងរបួសស្រាល។

តាមប្រភពព័ត៌មានពីសមត្ថកិច្ចបានឲ្យដឹងថា រថយន្ដបែនដឹកដី ម៉ាក់ ហ៊ី យិនដាយ ពណ៌ស ២តោនកន្លះ ពាក់ស្លាកលេខ កំពង់ធំ 1A0212 បើកបុកម៉ូតូ ស្គប់ពី ពណ៌ក្រហម គ្មានស្លាកលេខ ឯអ្នកបើកបររថយន្ដ រត់ចុះគេចខ្លួនបាត មិនស្លាល់អត្តសញ្ញាណ ។

សាក្សីថា មុនពេលកើតហេតុ គេឃើញរថយន្ដដីកដីបើកពីត្បូង មកជើង មកដល់ចំណុចកើតហេតុ បានបើកបត់ចូលផ្លូវលំ ដោយគ្មានការប្រុងប្រយ័ត្ន ក៏រេចង្កូតចូលផ្លូវ ខាងម៉ូតូ គាប់ជួន ស្រ្ដីរងគ្រោះជិះម៉ូតូដឹកកូនមកដល់ ក៏បើកបុកហើយកិនម៉ូតូចូលក្រោមរថយន្ដ បណ្ដាលឲ្យជនរងគ្រោះខ្ទាតចេញពីមុខរថយន្ដទាំងម្ដាយទាំងកូន។

សមត្ថកិច្ចបញ្ជាក់ថា ជនរងគ្រោះ ជាម្ដាយ ឈ្មោះ ប៉ោ ឡាយ ឆន់ អាយុ ៣៥ ឆ្នាំ (ស្លាប់) ឯកូន ឈ្មោះ ឡុង ឡាយ ហួរ ភេទប្រុស អាយុ ៩ឆ្នាំ រងរបួសស្រាល រស់នៅ ភូមិ ឃុំ កើតហេតុខាងលើ។

ក្រោយពេលកើតហេតុ សមត្ថកិច្ចបានបញ្ជូនជនរងគ្រោះទាំង២ទៅមន្ទីរពេទ្យក្នុងខេត្តកំពង់ធំ តែអនិច្ចារ ជនរងគ្រោះម្ដាយបានដាច់ខ្យល់ស្លាប់បាត់ទៅហើយ ឯកូនរងរបូសស្រាល ។

បច្ចុប្បន្នវត្ងុតាងត្រូវសមត្ថកិច្ចបញ្ជូនយកទៅរក្សាទុកនៅស្នងការខេត្តកំពង់ធំ រង់ចាំឲ្យជនបង្កចូលខ្លួនមកដោះស្រាយគ្នាតាមច្បាប់៕ ប៊ុន រិទ្ធី