សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុសម្នាក់រងរបួសធ្ងន់ ត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗ ខណះកំពុងជិះម៉ូតូហើយត្រូវរថយន្តដឹកទឹកកកមួយគ្រឿងបើកបញ្ច្រាសទិសដៅចរាចរណ៍មកបុកម៉ូតូពេញទំហឹង។
ហេតុការណ៍នេះ បង្កឲ្យមានការភ្ញាក់ផ្អើលកាលវេលាម៉ោង៤និង២០នាទីទៀបភ្លឺ ថ្ងៃទី២ ខែសីហា ឆ្នាំ២០១៧ ស្ថិតនៅតាមបណ្តោយផ្លូវវេងស្រេងខាងលិចផ្សារឯករាជ្យ ១ ភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ ។
តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេឃើញ ជិះម៉ូតូម៉ាកហុងដាសេរី២០០៨ពណ៌ខ្មៅពាក់ស្លាកលេខ ព្រៃវែង1C,8562ធ្វើដំណើតាមបណ្តោយផ្លូវវេងស្រេង ក្នុងទិសដៅពីលិចទៅកើត។លុះមកដល់ចំណុចកើតហេតុស្រាប់តែមានរថយន្តបង្កម៉ាកហ៊ីយ៉ាន់ដាយពណ៌សពាក់ស្លាកលេខ ក6607ភព3 បើកបរដោយបុរសម្នាក់ធ្វើដំណើរ បញ្ច្រាសទិសក្នុងទិសដៅពីកើតទៅលិចយ៉ាងលឿនដោយម៉ូតូរងគ្រោះមិនដឹងគេចទៅណា ក៏បុកម៉ូតូរងគ្រោះខាងលើពេញទំហឹងបណ្តាលឲ្យម៉ូតូជនរងគ្រោះខ្ទាតទៅលើឃឿនទ្រូងផ្លូវ បណ្តាលឲ្យរងរបួសធ្ងន់ ភ្លាមនោះអ្នកបើករថយន្តបង្កខាងលើបានរត់គេចខ្លួនបាត់ស្រមោលបន្សស់ទុករថយន្តចោលនៅកន្លែងកើតហេតុ។
ក្រោយពេលកើតហេតុជនរងគ្រោះត្រូវបានរថយន្តសង្គ្រោះដឹកយកទៅសង្គ្រោះភ្លាមៗបន្ទាប់មកមានតំណាងភាគីរថយន្តបង្កមកដោះស្រាយហើយបានសងចំនួន៤៥០ដុល្លារដើម្បីបញ្ចប់រឿងនូវនឹងកន្លែង៕ សុខាសែនជ័យ
