រថយន្តដឹកអុិចស្កាវ៉ាទ័ររបត់ជ្រុលបុកក្លោងទ្វារសាលាបឋមសិក្សា ហ៊ុន នាង បឹងត្របែកខាងត្បូង

ភ្នំពេញៈ រថយន្តដឹកអុិចស្កាវ៉ាទ័រមួយគ្រឿង បត់ជ្រុល បណ្តាលឲ្យបុកខ្លោងទ្វាសាលាបឋមសិក្សា ហ៊ុន នាង បឹងត្របែកខាងត្បូង រងការខូចខាតក្លោងទ្វារសាលាបណ្ដាលឲ្យប្រេះ តែសំណាងល្អមិនមានអ្នករងរបួស។

ហេតុការណ៍នេះ បានកើតឡើងកាលពីវេលាម៉ោង៩ព្រឹក ថ្ងៃទី២ ខែសីហា ឆ្នាំ២០១៧ នៅខាងមុខរបងសាលាបឋមសិក្សា ហ៊ុន នាង បឹងត្របែកខាងត្បូង តាមបណ្តោយផ្លូវលេខ២៧១ ស្ថិតក្នុងសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ ។

ប្រភពព័ត៌មានបានឲ្យដឹងថា នៅមុនពេលកើតហេតុគេបានឃើញរថយន្តហ៊ីយ៉ានដាយ មួយគ្រឿង ពណ៌បៃតង លាយក្រហម ពាក់ស្លាកលេខ ស្វាយរៀង 3A-0288 ដឹកគ្រឿងអុិចស្កាវ៉ាទ័រលើរថយន្ត តាមបណ្តោយផ្លូវលេខ២៧១ លុះមកដល់កន្លែងកើតហេតុ រថយន្តបង្ក ក៏បានបត់ហើយដោយសាររថយន្តវែងពេក ក៏ជ្រុលទៅបុករបងសាលារងកាខូចខាត់តែម្ដង ។ នៅកន្លែងកើតហេតុ ភ្នាក់ងារសារព័ត៌មាន សង្កេតឃើញថា រថយន្តដឹកគ្រឿងចក្របើកទាំងព្រហើន ដោយបើកទាំងរថយន្តអត់កងផ្នែកខាងមុខចំនួនមួយផងដែរ ទើបបង្កគ្រោះថ្នាក់ជាក់ស្តែងតែម្ដង ។

ក្រោយពេលកើតហេតុកម្លាំងជំនាញចរាចរណ៍ខណ្ឌចំការមន សហការជាមួយកម្លាំងជំនាញ ចរាចរណ៍ជើងគោកវាស់វែង និងយករថយន្តបង្កទៅរក្សាទុកនៅចរាចរណ៍ក្រុងដើម្បីរង់ចាំដោះស្រាយនៅពេលក្រោយ៕​ ស រស្មី