សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ការភ្ញាក់ផ្អើលមួយបានកើតឡើងដល់ប្រជាពលរដ្ឋ និងសមត្ថកិច្ចមូលដ្ឋានខណ្ឌមានជ័យ ខណៈដែរមានករណីអារ.កខ្លួនឯងមួយ បានកើតឡើង នៅចំណុចលើផ្ទះគ្មានលេខដែលគេទុកចោលក្នុងដីឡូមួយកន្លែង ស្ថិតក្នុងក្រុម៩ ភូមិព្រែកទាល់ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ កាលពីវេលាម៉ោង១និង២០នាទីរំលងអធ្រាត្រ ឈានចូលថ្ងៃទី២ ខែសីហា ឆ្នាំ២០១៧ ។
សមត្ថកិច្ចឲ្យថា ជនរងគ្រោះដែលស្លាប់មានឈ្មោះ ប៉ែន រ៉ាជូ អាយុ២៦ឆ្នាំ មុខរបរមិនពិតប្រាកដ ស្នាក់នៅផ្ទះលេខ៥៣១ ផ្លូវលំ ភូមិព្រែកទាល់ សង្កាត់ស្ទឹងមានជ័យ ខណ្ឌមានជ័យ ។
បើតាមប្រភពព័ត៌មានសមត្ថកិច្ចមូលដ្ឋានបានឲ្យដឹងថា នៅមុនពេលកើតហេតុ មានស្ត្រីម្នាក់ដោយមិនបានស្គាល់អត្តសញ្ញាណ បានទៅរកមិត្តភក្រ័របស់ជនរងគ្រោះដើម្បីទារលុយ ខណៈទៅដល់លើផ្ទះដែលជាកន្លែងកើតហេតុ ក៏ស្រាប់តែប្រទះឃើញបុរសរងគ្រោះខាងលើដេកស្លាប់ក្នុងថ្លុកឈាម ដោយមានស្នាមអារ.ក ។ ហើយភ្លាមៗនោះ ស្ត្រីម្នាក់ដែលបានទៅដល់កន្លែងកើតហេតុ ក៏បានរត់ទៅប្រាប់ប្រជាការពារភូមិក្នុងមូលដ្ឋាន ហើយប្រជាការពារភូមិក៏បានរាយការណ៍ជូនទៅសមត្ថកិច្ចមូលដ្ឋានបន្ត ដើម្បីឲ្យចុះមកពិនិត្យក្នុងករណីខាងលើនេះ ។
ក្រោយពេលធ្វើកោសល្យវិច្ឆ័យរួចសមត្ថកិច្ចបានប្រាប់ឲ្យដឹងថា ករណីខាងលើនេះជាករណីធ្វើអត្ដឃាតដោយខ្លួនឯង ។ តែបើតាមប្រភពព័ត៌មានពីប្រជាពលរដ្ឋដែលរស់នៅក្បែកន្លែងកើតបានប្រាប់ឲ្យដឹងថា បុរសរងគ្រោះខាងលើគឺមានសតិមិនល្អជាមនុស្សញៀនថ្នាំ និងធ្លាប់ចូលមណ្ឌលកែប្រែពីមុនផងដែរ រួមទាំងមានឪពុកម្ដាយ បងប្អូន រស់នៅក្នុងភូមិកើតហេតុខាងលើទៀតផង ដោយឡែកសាកសពត្រូវក្រុមគ្រួសារយកទៅធ្វើបុណ្យតាមប្រពៃណី ៕ ហេង សូរិយា
