សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវជន៣នាក់ ពេលចេញពីផឹកសុីស្រវឹងជិះម៉ូតូឌុបគ្នាចុះពីលើស្ពានអាកាសស្ទឹងមានជ័យយ៉ាងលឿន ហើយជ្រុលទៅបុកបង្កាន់ដៃស្ពានបណ្ដាលឲ្យស្លាប់ម្នាក់ របួសធ្ងន់២នាក់ កាលពីវេលាម៉ោង ១៖៥០ នាទីយប់ឈានចូលថ្ងៃទី៤ ខែសីហា ឆ្នាំ២០១៧ ត្រង់ចំណុចស្ពានអាកាស ស្ទឹងមានជ័យ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ។
បើតាមប្រភពពីសមត្ថកិច្ច បានឲ្យដឹងថា បុរសដែលស្លាប់មានឈ្នោះ គឹម ចាន់ អាយុ២៧ ឆ្នាំ មានមុខរបរធ្វើការនៅសណ្ធាគារ មានទៅលំនៅសព្វថ្ងៃ នៅសង្កាត់អូឡាំពិច ខណ្ឌខណ្ឌទួលគោក ។
នៅមុនពេលកើតហេតុ គេឃើញយុវជន៣នាក់ជិះម៉ូតូស៊ុយសុគីឡែត ពណ៌ស មួយគ្រឿង ពាក់ស្លាលេខ ភ្នំពេញ 1FZ- 3649 បានធ្វើដំណើរតាមបណ្ដោយផ្លូវ ២៧១ ក្នុងទិសដៅពីត្បូងទៅជើង ជិះឡើងលើស្ពាន អាកាសស្ទឹងមានជ័យ ខណៈដែលមកដល់ចំណុច ខាងលើជាផ្លូវបែកជាបី ក៏វ៉ាកអឺជាមួយរថយន្ដ២គ្រឿង នៅពីមុខក៏ព្យាយាមបើកគេច ក៏រ៉េចង្កូតទៅ ក៏ទៅបុកបង្កាន់ដៃស្ពាន យ៉ាងពេញទំហឹងបណ្តាល អោយដួលបោក និងបង្កាន់ដៃស្ពាន ស្លាប់ម្នាក់ដែលជាអ្នកបើកម៉ូតូ ចំណែកអ្នកជិះពីក្រោយ រងរបួសធ្ងន់ ។
ក្រោយពេលកើតហេតុ ភ្លាមៗយុវជនរងរបួសធ្ងន់ទាំង២នាក់ ត្រូវបានរថយន្តសាមុយដឹកយកទៅសង្គ្រោះនៅមន្ទីពេទ្យឯកជនភ្លាមៗ ហើយសមត្ថកិច្ចបានចុះ ទៅដល់កន្លែងកើតហេតុ ធ្វើការវាស់វែង និងយកម៉ូតូមករក្សាទុក នៅប៉ុស្តិ៍នគរបាលស្ទឹងមានជ័យ ចំណែកសាកសពយុវជនខាងលើត្រូវរថយន្ដសាមុយ ដឹកទៅរក្សារទុកនៅវត្តទឹកថ្លា រងចាំក្រុមគ្រួសាររបស់ សពមកទទួលយក ធ្វើបុណ្យតាមប្រពៃណី ៕ ភារ៉ា ដង្កោ
