សារព័ត៌មាន នគរវត្ត តែងតែនាំមុខគេជានិច្ច
ភ្នំពញ៖ យុវជន២ក្រុមមានទំនាស់រឿងចាស់ឌឺដងរកវាយកាប់គ្នា ដល់ពេលទៅសម្របសម្រួលភាគីទាំង សងខាងបែរជាច្រឡោតដាក់គ្នារាងខ្លួន ហើយឪពុកចូលទៅឃាត់ភាគីម្ខាងទៀតវាយបណ្តាលអោយរបួសមុខដេរ៧ថ្នេរ។
ហេតុការណ៍នេះបង្កអោយមានការភ្ញាក់ផ្អើលកាល វេលាម៉ោង៩នឹង២០នាទីយប់ ថ្ងៃទី៨ ខែសីហា ឆ្នាំ២០១៧ ចំណុចផ្លូវបេតុង នៅមុខផ្ទះលក់ចាប់ហួយ ភូមិកន្ទោកជើង សង្កាត់កន្ទោក ខណ្ឌពោធិ៍សែនជ័យ។
ជនរងគ្រោះឈ្មោះ កែវ ឆន ភេទប្រុស អាយុ៦៥ឆ្នាំ ស្នាក់នៅភូមិកន្ទោកខាងជើង សង្កាត់កន្ទោក ខណ្ឌពោធិ៍សែនជ័យនិងកូនប្រុសឈ្មោះ កែវ ភារះ អាយុ១៩ឆ្នាំមុខរបរកម្មកររោងចក្រ រស់នៅភូមិកើតហេតុខាងលើនឹងមានគ្នា៤នាក់ទៀតមិនស្គាល់ឈ្មោះ។ចំណែកឯជនស្ស័យមាន៨នាក់ទី១-ឈ្មោះ ឈ្នះ សុខឃឿន ភេទប្រុសអាយុ២០ឆ្នាំ មុខរបររោង ចក្រ ស្នាក់នៅភូមិកន្ទោកជើង សង្កាត់កន្ទោកខណ្ឌ ពោធិ៍សែនជ័យ ជនសង្ស័យទី២- ឈ្មោះ ថុន ចាន់ណាភេទប្រុសអាយុ២៧ឆ្នាំមុខរបររោងចក្រ ជនសង្ស័យទី៣-ទុយ ដំ ភេទប្រុសអាយុ២៣មុខរបររោងចក្រ ទី៤-ឈ្មោះគង់ យ៉ាភេទប្រុស អាយុ២២ឆ្នាំ មុខរបររោងចក្រ ទី៥-ឈ្មោះ សៀន សែន ភេទប្រុសអាយុ២៣ឆ្នាំមុខរបរកម្មកររោងចក្រ ទី៦-សុន រ៉ាវី ភេទប្រុសអាយុ២៥ឆ្នាំ មុខរកម្មករបររោងចក្រទាំង៦នាក់ខាងលើស្នាក់នៅផ្ទះជួលភូមិកើតហេតុខាងលើ។ ទី៧-ឈ្មោះ ថុន ប៊ុនតឺមភេទប្រុស អាយុ២២ឆ្នាំ មុខរបរកម្មកររោងចក្រ រស់នៅភូមិកើតហេតុខាងលើ នឹងទី៨-ឈ្មោះស៊ូយ សុភក្ត ភេទប្រុស អាយុ២២ឆ្នាំមុខរបរកម្មកររោងចក្រ រស់នៅភូមិកើតហេតុខាងលើ។
តាមប្រភពពីខាងជនរងគ្រោះបាននិយាយថា នៅមុនពេលកើតហេតុ ជនរងគ្រោះឈ្មោះ កែវ ភារះ កំពុងអង្គុយជជែកគ្នា៤នាក់នៅមុខផ្ទះលក់ចាប់ហ៊ួយជាប់របងផ្ទះជួលគាត់ខណៈដែលនិយាយជជែកគ្នាសុខៗ ស្រាប់តែមានជនបង្កចំនួន៣នាក់ជិះម៉ូតូមួយគ្រឿង ម៉ាក់សង់ហើយមកឌឺដងដាក់ពួកគាត់ថា ពួកអែងចង់សម្របសម្រួលឬចង់មានបញ្ហាដោយឌឺដងថារូបគាត់ធ្លាប់មានរឿងរកវាយកាប់គ្នាតែមិនបានកាប់នៅឡើយ។
បន្ទាប់មករូបគាត់បាននិយាយថា មានរឿងអីខ្ញុំមិនដឹងអីទេ ហើយមកទៀតស្រាប់តែឪពុកគាត់បានមកឃាត់តែភាគីជនបង្កខាងលើរករឿង ហើយម្តាយគាត់មកសុំអង្វរតែភាគីបង្កនៅតែរករឿង នឹងច្រានម្តាយនឹងវាយឪពុកខ្លួនបណ្តាលអោយរយ៉ាសមុខព្រមទាំងមានបក្ខពួកមកជាច្រើននាក់ទៀតមកវាយពួកគាត់។ ក្រោយមកប្រជាពលរដ្ឋផ្ទះជួលជិតកន្លែងកើតហេតុមកជួយអន្តរាគមន៍ផងដែរ។
បើតាមសំដីភាគីជនបង្កបាននិយាយថា ពួកគាត់ក្រាន់តែមកសម្របសម្រួលទេ មិនបានរករឿងគាត់ទេ តែភាគីខាងជនរងគ្រោះបានមកដេញវាយមុនទើបគាត់បានប្រតាយប្រតប់គ្នាតែម្តង ទោះយ៉ាងណាក៏មិនឈ្នះពួកគាត់ដែរ ដោយពួកគាត់មានគ្នាច្រើន។
ក្រោយពេលកើតហេតុដោយមានជំលោះគ្នាមានគ្នាច្រើនពេក កម្លាំងនគរបាលប៉ុសិ៍្តកន្ទោកបានហៅកំលាំងអន្តរាគមន៍ខណ្ឌមកជួយហើយនាំជនបង្កនឹងភាគី៤នាក់ត្រូវជាកូនមកសាកសួរនៅប៉ុស្តិ៍។ចំណែកឯជនរងគ្រោះជាឪពុកត្រូវបានព្យាបាលភ្លាមៗដោយដេរចំនួន៧ថ្នេរ។
ដោយឡែកជនបង្កនឹងជនរងគ្រោះទាំង១២នាក់កំពុងសួរនាំនៅប៉ុស្តិ៍រដ្ឋបាលកន្ទោក៕ សុខាសែនជ័យ
