សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់រួមដំណើរ និងនារីពីរនាក់បើកម៉ូតូបញ្ច្រាសផ្លូវចរាចរណ៍ មិនប្រយ័ត្នត្រូវបានម៉ូតូ១ទៀតបើកដោយបុរសម្នាក់មកបុកពេញទំហឹងបណ្ដាលឲ្យរងរបួសធ្ងន់ស្រាល៤នាក់ ។
ហេតុការណ៍កើតឡើងនៅម៉ោងរំលងអធ្រាត្រ ឈានចូលថ្ងៃទី១០ ខែសីហា ឆ្នាំ២០១៧ ស្ថិតនៅតាមបណ្ដោយផ្លូវវេងស្រេង កែងនឹងផ្លូវ២១៧ ត្រង់ចំណុចច្រមុះជ្រូកស្ទឹងមានជ័យ ក្នុងសង្កាត់ស្ទឹងមានជ័យ ខណ្ឌមានជ័យ។
យោងតាមព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គេឃើញបុរសម្នាក់បើកម៉ូតូឌ្រីម សង់ ស៊េរីឆ្នាំ២០១២ ពណ៌ខ្មៅ ពាក់ស្លាកលេខ ភ្នំពេញ 1 BG2476 ឌុបនារី២នាក់ បើកពីលិចទៅកើត បញ្ច្រាសផ្លូវចរាចរណ៍ ខណៈមកដល់ចំណុចកើតហេតុខាងលើ ត្រូវម៉ូតូឌ្រីមសង់ ស៊េរីឆ្នាំ២០១៧ ពណ៌ក្រហម ពាក់ស្លាកលេខ ភ្នំពេញ 1 GG8158 បើកពីកើតទៅលិចមកបុកពេញទំហឹងបណ្ដាលឲ្យរងរបួសធ្ងន់ និងស្រាល។
ចំណែកម៉ូតូឌ្រីមស៊េរីឆ្នាំ២០១៧ខូចខាតផ្នែកខាងមុខយ៉ាងដំណំ ។
ក្រោយកើតហេតុសមត្ថកិច្ចមូលដ្ឋានចុះវាស់វែងយកម៉ូតូទាំងពីរគ្រឿងទៅរក្សាទុកនៅអធិការដ្ឋានខណ្ឌមានជ័យរង់ចាំដោះស្រាយនៅពេលក្រោយ ៕ ភារ៉ា ដង្កោ
