សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ លោកឧត្តមសេនីយ៍ត្រីហេង ប៊ុនទីមេបញ្ជាការកងរាជអាវុធហត្ថខេត្តព្រះសីហនុ បានចាត់ឲ្យកម្លាំងកងរាជអាវុធហត្ថ ចុះទៅកាន់មូលដ្ឋាននានាក្នុងស្រុកព្រៃនប់ ដែលកំពុងទទួលរងផលប៉ះពាល់ពីជំនន់ទឹកភ្លៀង ដេីម្បីត្រៀមជួយសង្គ្រោះ ប្រជាពលរដ្ឋនាព្រឹកថ្ងៃទី១៧ ខែសីហា ឆ្នាំ២០១៧នេះ ។
បើតាមមន្ត្រីកងរាជអាវុធហត្ថនៅប្រចាំការតាមមូលដ្ឋានដែលមានជំនន់ទឹកភ្លៀងឲ្យដឹងថា គិតមកត្រឹមវេលាថ្ងៃត្រង់ថ្ងៃ១៧ សីហា ២០១៧នេះ មានផ្ទះប្រជាពលរដ្ឋខ្លះនិងកន្លែងចិញ្ចឹមសត្វមួយចំនួនបានលិចលង់ ដូចជាកន្លែងចិញ្ចឹមជ្រូកមួយកន្លែងដែលមានម្ចាស់ឈ្មោះ សិទ្ធិចាន់ សេរី ភេទស្រី អាយុ៤០ឆ្នាំ នៅតាមផ្លូវសម្តេចសង្ឃទេព វង្សដែលមានជ្រូកសរុប១១៥ក្បាល ត្រូវបានកងរាជអាវុធហត្ថជួយរំដោះដឹកចេញរកទីទីទួលសុវត្ថិភាព៕ ឆ្លាម សមុទ្រ
