សារព័ត៌មាន នគរវត្ត តែងតែនាំមុខគេជានិច្ច
ខេត្តកំពត៖ គ្រោះថ្នាក់ចរាចរបង្កដោយរថយន្តទួរីស ដឹកផ្លែឈើ បុកម៉ូតូអ្នកដំណើរបណ្តាលឲ្យរបួសធ្ងន់ និងស្រាលកាលពីវេលាម៉ោង03និង30នាទីទៀបភ្លឺ ឈានចូលថ្ងៃទី18 ខែសីហា ឆ្នាំ2017 លើកំណាត់ផ្លូវជាតិលេខ3A ខាងជើងខ្លោងទ្វារវាងក្រុងពីកំពតទៅភ្នំពេញ ចំងាយ60ម៉ែត្រនៅខាងឆ្វេងដៃ ស្ថិតក្នុងភូមិព្រៃឃ្មុំ ឃុំព្រៃឃ្មុំ ស្រុកទឹកឈូ ខេត្តកំពត។
ជនរងគ្រោះបញ្ជាក់ប្រាប់ថា មុនកើតហេតុ បានបើកបរម៉ូតូឌុបប្រពន្ធយកបន្លែយកមកលក់នៅផ្សារកំពត មកដល់កន្លែងកើតហេតុ មានរថយន្តមួយគ្រឿងបានធ្វើដំណើមកពីទិសខាងត្បូង បានបើកភ្លើងហ្វាយ៉ាងខ្លាំង គាប់ជួនរូបគាត់បានមើលតាមកញ្ចក់ឃើញភ្លើងរថយន្តមួយគ្រឿងទៀតធ្វើដំណើមកខាងពីទិសខាងជើងហើយបុកម៉ូតូខ្លួនដែលកំពុងបើកបរស្រប់ទិសគ្នា បានបណ្តាលអោយប្រពន្ធទទួលរងរបួសធ្ងន់ចំណែករូបគាត់ជាប្តីរបួសខ្មងជើងស្រាល។
ប្រភពបន្តថា ខ្លួនមានឈ្មោះចាន់ ភ័ណ្ឌ ភេទប្រុសអាយុ33ឆ្នាំ ចំណែកប្រពន្ធ ឈ្មោះភឹម ស្រីមុំ ភេទស្រីអាយុ30 បច្ចុប្បន្នអ្នកទាំងពីរ រស់នៅភូមិឃុំកើតហេតុខាងលើ មុខរបរធ្វើស្រែនិងលក់ដូរបន្លែនៅផ្សារបន្តិចបន្តួច។
ពេលកើតហេតុភ្លាមៗប្តីបានរត់ទៅលើកប្រពន្ធ ហើយស្រែកហៅអ្នកដំណើឆ្លងកាត់អោយជួយតេហៅរថយន្តសង្គ្រោះបន្ទាន់របស់មន្ទីរពេទ្យខេត្តមកដឹកប្រពន្ធទៅសង្គ្រោះ អស់រយៈពេលជាងមួយម៉ោងទើបរថយន្តសាមុយមកដឹកទៅសង្គ្រោះនៅមន្ទីរពេទ្យបង្អែកខេត្តកំពត។
សមត្ថកិច្ចរដ្ឋបាលនគរបាលឃុំព្រៃឃ្មុំនិងសមត្ថកិច្ចសណ្តាប់ធ្នាប់ចរាចរផ្លូវគោកក្រុងនិងស្រុកទឹកឈូមកពិនិត្យ និងជួយអន្តរាគមន៍យកស្ត្រីរងគ្រោះដាក់លើរថយន្តផងដែរ។
តាមការត្រួតពិនិត្យរបស់សមត្ថកិច្ចបានអោយដឹងថា រថយន្តបង្កខាងលើនេះម៉ាកតូរិសពណ៌ខៀវលាយខ្មៅ ពាក់ស្លាក់លេខភ្នំពេញ 2AE91 05 អ្នកបើកបរជាបុរស3នាក់ បានរត់គិចខ្លួនបាត់ស្រមោលក្រោយពីពេលបង្កហេតុភ្លាមៗ ក្នុងទិសដៅមកពីទិសខាងជើងមកត្បូង ស្ថានភាពជាក់ស្តែងរថយន្តបង្កបានផ្អៀងធ្លាក់ចិញ្ចើមផ្លូវខាងឆ្វេងមុខបែមកទិសខាងត្បូងដដែរ ចំណែកម៉ូតូជនរងគ្រោះខាងលើម៉ាកអាសង់C125សេរី2017គ្មានស្លាក់លេខ បានរងខូចខាតផ្នែកខាងក្រោយ ដោយសារថយន្តខាងលើបានបុកពេញទំហឹងផ្លោងចំងាយ30ម៉ែត្រពីរថយន្តបង្កខាងលើ។
បច្ចុប្បន្នវត្ថុតាងរថយន្តបង្កខាងលើរួមនិងម៉ូតូរងគ្រោះផងនោះត្រូវបានសមត្ថកិច្ចយកទៅរក្សាទុកបណ្ណោះអាសន្ននៅស្នងការដ្ឋាននគរបាលខេត្តដើម្បីរង់ចាំម្ចាស់រថយន្តបង្កខាងលើចូលខ្លួនមកដោះស្រាយតាមផ្លូវច្បាប់៕ ហេង សូរិយា
