សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ជិះម៉ូតូឆ្លតផ្លូវមិនបានប្រើភ្លើងស៊ីញ៉ូ ក៏ត្រូវម៉ូតូមួយគ្រឿងជិះលឿនជ្រុលបុកពេញទំហឹងបណ្តាលឲ្យរងរបួសធ្ងន់ ស្រាល៣នាក់។
ហេតុការណ៍នេះ បានកើតឡើងកាលពីវេលាម៉ោង១រំលងអធ្រាត្រ ឈានចូលថ្ងៃទី២១ ខែសីហា ឆ្នាំ២០១៧ នៅចំណុចផ្លូវលេខព្រះសុីសុវត្ថិ កែងផ្លូវលេខ១១០ ស្ថិតក្នុងសង្កាត់ផ្សាថ្មី១ ខណ្ឌដូនពេញ។
តាមសាក្សីនៅកន្លែងកើតហេតុបានឲ្យដឹងថា នៅមុនពេលកើតហេតុគេបានឃើញបុរសម្នាក់ជិះម៉ូតូស្កូបពី ពណ៍ខ្មៅ ពាក់ស្លាកលេខភ្នំពេញ1FH 6928 ធ្វើដំណើរតាមបណ្តោយផ្លូវព្រះសុីសុវត្ថិក្នុងទិសដៅត្បូងទៅជើង ខណៈមកដល់ចំណុចកើតហេតុស្រាប់តែទាញចង្កូតបត់ឆ្វេងឆ្លងផ្លូវបំណងទៅតាមបណ្តោយផ្លូវលេខ១១០ ដោយមិនបានបើកភ្លើងស៊ីញ៉ូ ស្រាប់តែមានបុរសម្នាក់ និងមានបុរសម្នាក់ទៀតរូមដំណើរជាមួយជិះម៉ូតូម៉ាកzoomerx ពណ៍ក្រហម លាយខៀវ ពាក់ស្លាកលេខ ភ្នំពេញ 1GD 1534 ធ្វើដំណើរក្នុងទិសដៅពីជើងទៅត្បូងតាមបណ្តោយផ្លូវព្រះសុីសុវត្ថិ លឿនក៏ជ្រុលបុកពញទំហឹងបណ្តាលឲ្យអ្នកជិះម៉ូតូzoomerxបោលទៅនិងបង្គោលភ្លើងរងរបួសធ្ងន់ម្នាក់និងម្នាក់ទៀតរបួសស្រាល រីឯម៉ូតូរងការខូចខាតយ៉ាងដំណំ។
ក្រោយពេលកើតហេតុ ជនរងគ្រោះត្រូវបានបញ្ជូនទៅសង្គ្រោះភ្លាមៗម្នាក់ ចំណែកអ្នករងរបួសស្រាលបានសម្របសម្រួលគ្នាដោយភាគីខាងម៉ូតូzoomerx បានចេញថ្លៃជួសជុលទៅម៉ូតូស្កូបពីដើម្បីបញ្ចប់រឿងនៅកន្លែងកើតហេតុ៕ សុខាសែនជ័យ
