សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ រថយន្តLexus -GS300 មួយគ្រឿង បានបើកជែងស្ដាំរថយន្តធន់ធំ បណ្ដាលឲ្យទៅប៉ះគ្នារងការខូចខាតបែកកញ្ចក់និងកំពិតកាងក្រោយ ។
ហេតុការណ៍គ្រោះចរាចរណ៍ខាងលើនេះបានកើតឡើងកាលពីវេលាម៉ោង៩និង០០នាទីយប់ថ្ងៃទី២៤ ខែសីហា ឆ្នាំ២០១៧ នៅតាម៣៧១ កែងផ្លូវ២៧១ ស្ថិតក្នុងសង្កាត់ចាក់អង្រែលើ ខណ្ឌមានជ័យ ។
យោងតាមប្រភពព័ត៌មាននៅកន្លែងកើតហេតុបានឲ្យដឹងថា មុនពេលកើតហេតុគេឃើញរថយន្តធន់ធំមួយគ្រឿងម៉ាក ហ៊ីយ៉ាន់ដាយពណ៌ស ពាក់ស្លាកលេខ ភ្នំពេញ 3D-9665 បើកបរដោយបុរសម្នាក់រួមនឹងព្រួម្នាក់ទៀត ធ្វើដំណើរតាមបណ្ដោយផ្លូវ៣៧១ ទិសដៅពីលិចទៅកើត ខណៈមកដល់កន្លែងកើតហេតុ ដែលជាចំណុចផ្លូវកោង រថយន្តបានបត់ស្ដាំមកផ្លូវ២៧១ ស្របពេលនោះស្រាប់តែមានរថយន្តមួយគ្រឿងទៀត ម៉ាករថយន្ត Lexus -GS300 ពណ៌ស ពាក់ស្លាកលេខ ភ្នំពេញ 2AO-6165 បើកបរស្ត្រីម្នាក់និងរួមដំណើរក្មេងៗ ៣-៤នាក់មកពីក្រោយហើយបានជែងខាងស្ដាំបណ្ដាលឲ្យកៀរបែកកញ្ចក់ មើលក្រោយចំហៀងខាងឆ្វេង និងចំហៀងក្រោយខាងឆ្វេងតែមិនមានអ្នករងរបួសនោះទេ ភ្លាមៗខាងរថយន្តLexus -GS300 បានបើកមកពីរមុខកាក់រថយន្តធំឲ្យឈប់រួចបានទាមទារសំណងពីម្ចាស់រថយន្តធំតែខាងរថយន្តធំគាត់ថា រូបគាត់មិនបានខុសទេ ។
ក្រោយមកភាគីខាងរថយន្តLexusបានទាក់ទងទៅបងប្អូនឲ្យមក លុះពេលបងប្អូនមកដល់មើលទៅដឹងថា ខាងភាគីរបស់ខ្លួន ខុសក៏បានឲ្យរថយន្តធំចេញទៅដោយសុំស្មើគ្នាសុខចិត្តយករថយន្តជួសជុលរៀងៗខ្លន ៕ ភារ៉ា ដង្កោ
