សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប៖ បុរសវ័យ៥៤ឆ្នាំ ម្នាក់ តូចចិត្ត មានជំងឺ ឈឺរ៉ាំ រ៉ៃ (ទឹកនោមផ្អែម)បានសម្រេចចិត្ត លួចចងក សម្លាប់ខ្លួននិងខ្សែលីឡុងទៅនឹងធ្នឹមផ្ទះរបស់ខ្លួនមិនឲ្យប្រពន្ធកូនដឹងទេ ហេតុការណ៍ បង្កឲ្យមានការភ្ញាក់ផ្អើលពេញភូមិកាលពីវេលាម៉ោង០៤និង៥១នាទី ថ្ងៃទី៣០ ខែសីហា ឆ្នាំ២០១៧ ស្ថិតនៅក្នុងភូមិដងផ្អាវ ឃុំពង្ររក្រោម ស្រុកជីក្រែង ខេត្តសៀមរាប។
យោងតាមការបំភ្លឺរបស់ក្រុមគ្រួសារបានបញ្ជាក់ប្រាប់ថា ជនរងគ្រោះគាត់មានជំងឺទឹកនោមផ្អែម ឈឺ រ៉ាំរៃ ជាច្រើនខែកន្លងមកហើយ ដោយសារមើលមិនជា ប្រហែលគាត់តូចចិត្តខ្លួនឯងផងនោះ ទើបគាត់ សម្រេចដាច់ចិត្តចងកសម្លាប់ខ្លួនបែបនេះ។
លោកវរៈសេនីយ៍ទោ សុខ សុទ្ធាវុធ អធិការនគរបាលស្រុកជីក្រែង បានប្រាប់នៅព្រឹកថ្ងៃទី៣១ ខែសីហា ឆ្នាំ២០១៧ថា បន្ទាប់ពីមានព័ត៌មានពីប្រជាពលរដ្ឋ បានប្រាប់សមត្ថកិច្ចតាមមមូលដ្ឋានយើងថា មានករណីធ្វើអត្តឃាត ចងកសម្លាប់ ខ្លួន និង ខ្សែលីឡុងទៅ និង ធ្នឹមផ្ទះ ក្នុងផ្ទះរបស់ខ្លួន ស្ថិតនៅភូមិដងផ្អាវ ឃុំពង្ររក្រោម ស្រុកជីក្រែង ខេត្តសៀមរាប។
លោកបានលោកបានបញ្ជាឲ្យកម្លាំងជំនាញចុះទៅត្រួតពិនិត្យនិងធ្វើកោសល្យវិច្ឆ័យ និង ស្រាវជ្រាវ នៅលើរាងកាយជនរងគ្រោះពុំឃើញមានស្លាកស្នាមអ្វីគួរឲ្យកត់សម្គាល់ឡើយ ដូច្នេះ សមត្ថកិច្ចជំនាញបានសន្និដ្ឋានថា សព ជនរងគ្រោះពិតជាបានចង កសម្លាប់ខ្លួនពិតប្រាកដមែន ពុំមែនជាករណីឃាត់កម្មទេដោយជនរងគ្រោះមានឈ្មោះ ជុំ ជី ភេទប្រុសអាយុ ៥៤ ឆ្នាំរស់នៅភូមិ ឃុំ ខាងលើ បច្ចុប្បន្ន សាកសព ជនរងគ្រោះ ត្រូវបានសមត្ថកិច្ចជំនាញប្រគល់ឲ្យក្រុមគ្រួសារ យកទៅធ្វើបុណ្យតាមប្រពៃណី៕ ប៊ុនរិទ្ធី
