សារព័ត៌មាន នគរវត្ត តែងតែនាំមុខគេជានិច្ច
ខេត្តប៉ៃលិន៖ សមត្ថកិច្ចឃាត់ខ្លួនបុរសម្នាក់ តាមពាក្យបណ្តឹងរបស់ម្តាយកុមារីរងគ្រោះ ពីបទបានយកម្រាមដៃទៅរុកចូលក្នុងប្រដាប់ភេទកុមារីរងគ្រោះបណ្តាលឱ្យរងរបួសហូរឈាមអស់រយ:ពេល៥ទៅ៦ថ្ងៃ ។
ជនសង្ស័យមានឈ្មោះ ហេង ខ្មៅ ភេទប្រុស អាយុ៣០ឆ្នាំ មានស្រុកកំណើតរស់នៅខេត្តព្រៃវែង បច្ចុប្បន្នស្នាក់នៅក្នុងភូមិប៉ាហ៊ីត្បូង សង្កាត់ប៉ៃលិន ក្រុងប៉ៃលិន ។
ការចាប់ខ្លួននេះបានធ្វើឡើងស្ថិតនៅក្នុងភូមិប៉ាហ៊ីត្បូង សង្កាត់ប៉ៃលិន ក្រុងប៉ៃលិនកាលពីថ្ងៃទី៦ ខែកញ្ញា ឆ្នាំ២០១៧ ។ ។
កន្លងទៅស្ត្រីមេម៉ាយម្នាក់ជាម្តាយកុមារីរងគ្រោះបានផ្ញើកូនស្រីរបស់ខ្លួនឱ្យជនសង្ស័យមើលដោយនាងជាប់រវល់ទៅជួយលក់អីវ៉ាន់បងប្អូននៅឯផ្សារ។ លុះត្រឡប់មកវិញក៏ឃើញប្រដាប់ភេទកូនខ្លួនហូរឈាមហើយសួរនាំតែនាងមិនហ៊ានប្រាប់ ព្រោះជនសង្ស័យគម្រាមមិនឱ្យនិយាយប្រាប់ម្តាយឡើយ។
ក្រោយមកម្តាយបានលួងលោមចុះឡើងៗ ទើបនាងនិយាយប្រាប់ពីការពិតថាជនសង្ស័យពិតជាបានធ្វើសកម្មភាព៕
