២២នាក់រងរបួសធ្ងន់ស្រាលក្នុងករណីរថយន្តដឹកដំឡូងបើកបុកពីក្រោយរថយន្តទ្រុងដឹកកម្មកររោងចក្រ

ខេត្តកំពងចាម៖ មនុស្សចំនួន២២នាក់ បានរងរបួសធ្ងន់ស្រាល ក្នុងករណីរថយន្តដឹកដំឡូងបើកបុកពីក្រោយរថយន្តទ្រុងដឹកកម្មកររោងចក្រ កាលពីវេលាម៉ោង៦នឹង៣០នាទីព្រឹកថ្ងៃទី១១ ខែកញ្ញា ឆ្នាំ២០១៧ នៅលើផ្លូវជាតិលេខ៦ ភូមិពោធិ៍ ឃុំសំពងជ័យ ស្រុកជើងព្រៃ ខេត្តកំពង់ចាម។

សមត្ថកិច្ចឲ្យដឹងថា ករណីគ្រោះថ្នាក់មួយនេះ បង្កឡើងដោយរថយន្តដឹកដំឡូង ស្លាកលេខភ/ព 3A.4646 បានបុកពីក្រោយជាមួយរថយន្តទ្រុងដឹកកម្មកររោងចក្រ ស្លាកលេខ 3A.0669 បើកបរដោយឈ្មោះ ចាន់ ឧត្តម ទីលំនៅភូមិស្វាយមាស ឃុំសំងជ័យ ស្រុកជើងព្រៃ បណ្តាលឲ្យកម្មករចំនួន ២២នាក់ រងរបួសធ្ងន់ស្រាល ផងដែរ។

ជនរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យ ចំណែកម្ចាស់រថយន្តទាំង២គ្រឿង បានសម្របសម្រួលគ្នា បង់ប្រាក់ជូនជនរងគ្រោះក្នុងម្នាក់៥ម៉ឺនរៀល ដើម្បីបញ្ជប់រឿង៕ ហេង សូរិយា