សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ លោកឧត្តមសេនីយ៍ត្រីស៊ុន សុផាត ស្នងការរងទទួលផែនប្រឆាំងបទល្មើស បានឲ្យដឹងថា៖ នៅថ្ងៃទី ២៤ ខែ កញ្ញា ឆ្នាំ២០១៧ វេលាម៉ោង ១៣ និង ៣០ នាទី នគរបាលប្រឆាំងគ្រឿងញៀនខេត្ត និង នគរបាលក្រុងព្រះសីហនុ បានសហការគ្នា បង្រ្កាបមុខសញ្ញា គ្រឿងញៀនមួយករណី ឃាត់ខ្លួនជនសង្ស័យ១នាក់ ដែលចែកចាយនូវសារធាតុញៀន ស្ថិតនៅ ក្រុម ៤ ភូមិ ៤ សង្កាត់លេខ៤ ក្រុង/ខេត្តព្រះសីហនុ ។
ជនសង្ស័យឈ្មោះ នៅ វុត្ថា ភេទ ប្រុសអាយុ ៣០ឆ្នាំ មុខរបរជាងផ្សាដែក។ ជាមួយនេះ សមត្ថកិច្ចចាប់យកបាន ថ្នាំញៀនមេតំហ្វេតាមីន ចំនួន ៤កញ្ចប់ ។
ករណីខាងលើនេះ ដឹកនាំដោយ លោកអនុសេនីយ៍ទោ តាក រៀម នាយផ្នែកគ្រឿងញៀននៃអធិការក្រុងព្រះសីហនុ៕ ឆ្លាម សមុទ្រ
