សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ នៅថ្ងៃទី២៥ ខែកញ្ញា ឆ្នាំ២០១៧ វេលាម៉ោង៨យប់ កម្លាំងជំនាញការិយាល័យគ្រឿងញៀនសហការ ជាមួយកម្លាំងអធិការដ្ឋាននគរបាលក្រុង បានចុះបង្រ្កាបករណីគ្រឿងញៀនឃាត់ខ្លួនជនសង្ស័យម្នាក់ ដែលចែកចាយសារធាតុញៀន ស្ថិតនៅភូមិពូធឿង ឃុំបិតត្រាង ស្រុកព្រៃនប់ ក្រុងព្រះសីហនុ។
សមត្ថកិច្ចបានបន្តថា ជនសង្ស័យដែលត្រូវឃាត់ខ្លួនឈ្មោះ ឡេង សាន់និត ភេទប្រុស អាយុ១៩ឆ្នាំ មុខរបរកម្មកររោងចក្របិតត្រាង។
ជាមួយគ្នានោះដែរ សមត្ថកិច្ចបានដកហូតថ្នាំញៀនប្រភេទមេតំហ្វេតាមីន៥កញ្ចប់ និងទូរស័ព្ទដៃ១គ្រឿង។
មន្ត្រីជំនាញបានបន្តទៀតថា បច្ចុប្បន្នការិយាល័យជំនាញបានសាកសួរ និងកសាងសំណុំរឿងដើម្បីបញ្ជូនជនសង្ស័យទៅសាលាដំបូងខេត្តព្រះសីហនុចាត់ការតាមនីតិវិធី៕ ឆ្លាម សមុទ្រ
