រថយន្តដឹកប្រេងក្រុមហ៊ុនសូគីមិុចបែកកង់ឆេះផ្អើលអ្នកដំណើរតាមផ្លូវ

ខេត្តព្រះសីហនុ ៖ រថយន្តមួយគ្រឿងត្រូវភ្លើងឆាបឆេះយ៉ាងសន្ធោសន្ធៅឡើងកាល ពីវេលាម៉ោង៥និង៣០នាទីព្រឹក ថ្ងៃទី២៨ ខែកញ្ញា ឆ្នាំ២០១៧ ស្ថិតនៅចន្លោះ បង្គោលគីឡូមែ៉ត្រលេខ203-204 ក្នុង​ភូមិស្មាច់ដែង ឃុំរាម ស្រុកព្រៃនប់ ខេត្ត ព្រះសីហនុ ។

ប្រភពព័ត៌មានបានឲ្យដឹងបន្តថា រថយន្ត ដែលឆេះ ម៉ាកហ៊ីយ៉ាន់ដាយ ពណ៌ក្រហម ពាក់ស្លាកលេខភ្នំពេញ3C-6714 មានដឹក ស៊ីទែនសាំងក្រុមហ៊ុនសូគីមិុច ធ្វើដំណើរក្នុងទិសដៅចេញពីខេត្តព្រះសីហនុទៅរាជធានី ភ្នំពេញ ហើយរថយន្តនេះបែកកង់ក្រោយ ខាងស្ដាំអូសចម្ងាយ៧០ម៉ែត្របែកផ្កាភ្លើង បង្កឲ្យឆាបឆេះតែម្តង ។

ប្រភពបន្តថា ដោយមានអន្តរាគមន៍ទាន់ពេលវេលាពីរថយន្តពន្លត់អគ្គិភ័យកងរាជ អាវុធហត្ថខេត្តនិងខាងស្នងការខេត្តកទើបភ្លើងបានរលត់ទាំងស្រុងវិញ ខណៈនៅមិន ទាន់ដឹងពីទំហំខូចខាតនៅឡើយ។ តែករណី េនះមិនបង្កឲ្យមានគ្រោះថ្នាក់ដល់ អ្នក​បើក បរទេ តែបានបង្កឲ្យស្ទះចរាចរណ៍នៅទីនោះ អស់មួយកំណាត់ព្រឹក៕ ឆ្លាម សមុទ្រ