សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ សមាជិកព្រឹទ្ធសភា លោក អ៊ុ ម៉ាន្នូរីន ត្រូវជាបងប្រុសបង្កើត របស់សម្តេចព្រះវររាជមាតា ជាតិខ្មែរ នរោត្តម មុនីនាថ សីហនុ បានទទួលមរណភាព ក្នុងអាយុ៩៣ឆ្នាំ កាលពីវេលាម៉ោង៨ និង៤៥នាទី ព្រឹកថ្ងៃទី២៨ ខែកញ្ញា ឆ្នាំ២០១៧ ដោយជរាព៌ាធ ។
យោងតាម សេចក្តីជូនដំណឹងរបស់ព្រឹទ្ធសភា បានឲ្យដឹងថា សពលោក អ៊ុ ម៉ាន្នូរីន តម្កល់ធ្វើបុណ្យតាមប្រពៃណី នៅវត្តបទុមវតី្ត សង្កាត់ចតុមុខ ខណ្ឌដូនពេញ រាជធានីភ្នំពេញ ពិធីដង្ហែ សពប្រព្រឹត្តទៅ នៅព្រឹកថ្ងៃអាទិត្យ ទី១ ខែតុលា ឆ្នាំ២០១៧ វេលាម៉ោង ៧៖ ៣០នាទី ឆ្ពោះទៅកាន់ឈាបនដ្ឋាន នៅទីលានមុខវត្តបុទុមវត្តិ ៕
