សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ដែលចេញសែកគ្មានសាច់ប្រាក់ចំនួន៨០ម៉ឺនដុល្លារអាមេរិក ទៅឱ្យឧកញ៉ាឌួង ងៀប ត្រូវបានចៅក្រមជំនុំជម្រះសាលាដំបូងរាជធានីភ្នំពេញ លោក សេង លាង នៅថ្ងៃទី០៣ ខែតុលា នេះ ប្រកាសសាលក្រមផ្តន្ទាទោសដាក់ពន្ធនាគារ១៨ខែ ពីបទ”មិនបំពេញកាតព្វកិច្ចចំពោះឧបករណ៍អាចជួញដូរបាន”ឬចេញសែកគ្មានសាច់ប្រាក់។
លោកចៅក្រម ក៏បានផ្តន្ទាទោសជនជាប់ចោទឈ្មោះ មូល មុន្នីនាថ និង ឈ្មោះ មូល មុន្នីនិច ដាក់ពន្ធនាគារ១៨ខែតែទោសនេះត្រូវព្យួរ ។ តុលាការបើកផ្លូវឱ្យជនជាប់ចោទប្តឹងឧទ្ធរណ៍ក្នុងកំណត់ច្បាប់ ។
សវនាការកន្លងទៅជនជាប់ចោទឈ្មោះ ជុំ វិចិត្រ អាយុ៤១ឆ្នាំ សារភាពថា ពិតជាបានចេញសែកគ្មានសាច់ប្រាក់ចំនួន៨០ម៉ឺនដុល្លារអាមេរិក ទៅឱ្យឧកញ៉ាឌួង ងៀប ពិតប្រាកដមែន ។ ជនជាប់ចោទ អះអាងថា ការប្រព្រឹត្តនេះ គឺ ផ្តើមចេញពីរឿងខ្ចីលុយរកស៊ីរួចគ្មានប្រាក់សង ទើបចេញសែកតែម្តង ៕ ចេស្តា
